కామారెడ్డి జిల్లా గాంధీ నగర్ వద్ద విద్యార్థుల ఆందోళన

కామారెడ్డి (విజయక్రాంతి): ఆర్టీసీ అధికారులు సమయానికి బస్సులు నడపడం లేదని పాఠశాలకు వెళ్లాలంటే బస్సులు సమయానికి రాక పాఠశాల సమయం గడిచిపోతుందని విద్యార్థులు రాస్తారోకో చేసిన సంఘటన కామారెడ్డి జిల్లా లింగంపేట మండలం గాంధీనగర్ వద్ద బుధవారం ఉదయం విద్యార్థులు ఆందోళన చేశారు. ఆర్టీసీ ఆర్టీసీ అధికారులు స్పందించి విద్యార్థుల శ్రేయస్సును దృష్టిలో పెట్టుకొని సమయానికి బస్సులు నడపాలని విద్యార్థులు కోరారు.

విద్యార్థుల ఆందోళనకు తల్లిదండ్రులు సంఘీభావం తెలిపారు. గాంధీనగర్లో ప్రాథమిక పాఠశాల లేకపోవడంతో పక్కనే ఉన్న ముస్తాపూర్ లింగంపేటకు చదువుకునేందుకు గాంధీనగర్ నుంచి విద్యార్థులు వెళ్ళుచున్నారు. ఆర్టీసీ బస్సు పాసు తీసిన విద్యార్థులు బస్సులో ప్రతిరోజు స్కూలుకు వెళుతున్నారు. సమయానికి బస్సులు రాకపోవడంతో ఎదురు చూసి చూసి పాఠశాల సమయానికి వెళ్లలేకపోతున్నారు. సమయం అయిన తర్వాత వెళ్తే అక్కడ పాఠశాలలో ఉపాధ్యాయులు సమయానికి రావాలని కోరుతున్నారని బస్సులు రావడం లేదని చెప్పిన వినడం లేదని విద్యార్థులు వాపోయారు. ఆర్టీసీ అధికారులు స్పందించి ఇకనైనా సమయానికి బస్సులు వేసి తమ ఇబ్బందులను తొలగించాలని గాంధీనగర్ విద్యార్థులు కోరారు.