ఆదిలాబాద్, (విజయక్రాంతి): విద్యార్థులు ఆత్మవిశ్వాసాన్ని పెంపొందించుకునేందుకు వ్యక్తిత్వ వికాసాన్ని అలవర్చుకోవాలని మహిళ సాధికారత కేంద్రం మిషన్ డిస్ట్రిక్ట్కో ఆర్డినేటర్ యశోద అన్నారు. ఆదిలాబాద్ జిల్లాలోని ప్రభుత్వ పాఠశాలల్లో జిల్లా కలెక్టర్ సూచన మేరకు ప్రత్యేకంగా ప్రవేశపెట్టిన ఆరోగ్య పాఠశాల అనే కార్యక్రమంలో భాగంగా పిల్లలకు జిల్లా మహిళా సాధికారత కేంద్రం ఆధ్వర్యంలో పలు అంశాలపై అవగాహన కల్పిస్తున్నారు. ఇందులో భాగంగానే ఇచ్చోడ లోని కేజీబీవీ లో వ్యక్తిత్వ వికాస దినోత్సవం ను శనివారం నిర్వహించారు. ఈ సందర్భంగా మహిళ సాధికారత కేంద్రం డిస్ట్రిక్ట్ మిషన్ కో ఆర్డినేటర్ యశోద వ్యక్తిత్వ వికాసం, పిల్లల సంరక్షణ చట్టాలు, టోల్ ఫ్రీ నంబర్స్, తదితర అంశాలపై అవగాహన కల్పించారు.  ఈ కార్యక్రమంలో కేజీబీవీ పాఠశాల స్పెషల్ ఆఫీసర్ మల్లిక, టీచర్స్, విద్యార్థులు పాల్గొన్నారు.