• డిమాండ్ ఉన్న కోర్సులకే ప్రాధాన్యమివ్వాలి
  

ప్రైవేట్ వర్సిటీ విద్యార్థులతో ప్రభుత్వ వర్సిటీల విద్యార్థులు పోటీపడాలి

నిధులు, నియామకాలపై నివేదిక ఇవ్వండి

వర్సిటీ వీసీల సమావేశంలో సీఎం రేవంత్‌రెడ్డి 

హైదరాబాద్, ఏప్రిల్ 4 (విజయక్రాంతి): రాష్ట్రంలోని విశ్వవిద్యాలయాలన్నీ విద్యార్థుల కేంద్రంగా పనిచేయాలని సీంఎ రేవంత్ రెడ్డి సూచించారు. విద్యార్థుల భవిష్యత్‌ను తీర్చిదిద్దే కోర్సులు ఉండాలని, మార్కెట్‌లో డిమాండ్ ఉన్న కోర్సుల బోధనకు ప్రాధాన్యమివ్వాలని వర్సిటీ వీసీలను ఆదేశించారు. వ ర్సిటీల అభివృద్ధి, నియామకాల భర్తీపై నివేదిక ఇవ్వాలని సూచించారు.

విశ్వవిద్యాల యాల వైస్ చాన్స్‌లర్లతో ముఖ్యమంత్రి రే వంత్‌రెడ్డి ఐసీసీసీలో శుక్రవారం సమీక్ష నిర్వహించారు. ప్రస్తుతం ప్రభుత్వ విశ్వవిద్యా లయాలకు గ్రామీణ ప్రాంతాల నుంచి, ఆర్థిక స్థోమతలేని కుటుంబాల నుంచే విద్యార్థులు వస్తున్నారని.. వారికి సరైన భవిష్యత్ కల్పించేలా బోధన ఉండాలని తెలిపారు.

ఆర్థిక స్థోమత ఉన్న కుటుంబాల నుంచి వచ్చినవారు మార్కెట్‌లో డిమాండ్ ఉన్న కోర్సుల ను ఎంచుకొని ప్రైవేటు విశ్వవిద్యాలయాల వైపు వెళ్లిపోతున్నారని.. వారితో ఎదురయ్యే పోటీ ని ప్రభుత్వ విశ్వవిద్యాలయాల విద్యార్థులు ఎదుర్కోవాలంటే డిమాండ్ ఉన్న కోర్సులనే మనం బోధించాల్సి ఉందని సీఎం అభిప్రాయపడ్డారు.

గతంలో నియమించిన ప్రొఫె సర్లు, అసిస్టెంట్ ఫ్రొఫెసర్లు ఉన్నారనే భావనతో పలు విశ్వవిద్యాలయాల్లో పెద్దగా ప్రాధాన్యంలేని, డిమాండ్ లేని కోర్సులను బోధిస్తున్నారని, వాటిని రద్దు చేసి నూతన కోర్సు లను ప్రవేశపెట్టాలని సూచించారు. ఆయా కోర్సులకు సం బంధించి ఉన్న ప్రొఫెసర్లకు అడ్మినిస్ట్రేటివ్ బాధ్యతలు అప్పగించాలని ఆదేశించా రు. కొందరు ప్రొఫెసర్లకు రిహాబిలిటేషన్ సెంటర్లుగా యూనివర్సిటీలను మార్చొద్దని సూచించారు. 

వర్సిటీల వారీగా నివేదికలు ఇవ్వండి..

ఈ సందర్భంగా ఆయా వర్సిటీల వైస్‌చాన్స్‌లర్లు తమ విశ్వవిద్యాలయాల్లో ప్రొఫెసర్ల కొరత, భవనాలు, ఇతర వసతుల సమస్యలను సీఎం రేవంత్‌రెడ్డి దృష్టికి తీసుకొచ్చా రు. వర్సిటీల బాగుకు అవసర మైన నిధులు కేటాయించేందుకు తాము సిద్ధంగా ఉన్నామని సీఎం తెలిపారు. వైస్ చాన్స్‌లర్లు అం తా సమావేశమై తమ ఉమ్మడి సమస్యలు, అలాగే వర్సిటీల వారీగా సమస్యలపై రాష్ర్ట ప్రభుత్వ సలహాదారు కే కేశవరావుతో సమావేశం కావాలని సూచించారు.

అనంతరం వర్సిటీల వారీగా తీసుకోవాల్సిన చర్యలపై నివేదిక రూపొందించి ప్రభుత్వానికి సమర్పించాలని ఆదేశించారు. సమావేశం అనం తరం వీరనారి చాకలి ఐలమ్మ మహిళా విశ్వవిద్యాలయం లోగోను సీఎం రేవంత్‌రెడ్డి ఆవిష్కరించారు.

సమావేశంలో సీఎం సలహాదారు వేం నరేందర్ రెడ్డి, రాష్ర్ట ప్రభుత్వ సలహాదారులు కేశవరావు, శ్రీనివాసరాజు, ఉన్నత విద్యా మండలి చైైర్మన్ బాలకిష్టారెడ్డి, ముఖ్యమంత్రి కార్యదర్శి మాణిక్‌రాజ్, విద్యాశాఖ కార్యదర్శి యోగితా రాణా, సాంకేతిక విద్యా శాఖ కమిషనర్ ఏ శ్రీదేవసేన, ప్రాథమిక విద్యా శాఖ డైరెక్టర్ నరసిం హారెడ్డి, విద్యా కమిషన్ చైైర్మన్ ఆకునూరి మురళి, సభ్యులు, వైస్ చాన్స్‌లర్లు పాల్గొన్నారు.