• నాలుగో అంతస్తు నుంచి దూకడానికి యత్నం 
• కాపాడిన విద్యార్థులు, సెక్యూరిటీ  సిబ్బంది

మేడ్చల్, జనవరి 29 (విజయ క్రాంతి): మేడ్చల్ జిల్లా గుండ్ల పోచంపల్లి మున్సి పాలిటీ పరిధిలోని మైసమ్మ గూడ లో గల మల్లారెడ్డి మహిళా ఇంజనీరింగ్ కాలేజీలో ఒక విద్యార్థిని ఆత్మహత్యాయత్నం చేసింది. మొదటి సంవత్సరం చదువుతున్న విద్యార్థిని పరీక్షలలో ఫెయిల్ అవుతాను అనే భయంతో నాలుగో అంతస్తు నుంచి దూక డానికి ప్రయత్నించింది. కింద విద్యార్థులు హాహాకారాలు చేశారు. వెంటనే విద్యార్థులు, సెక్యూరిటీ సిబ్బంది అప్రమత్తమై లోపల నుంచి పట్టుకుని లాక్కున్నారు. దీంతో విద్యార్థులంతా ఊపిరి పీల్చుకున్నారు.