కామారెడ్డి (విజయక్రాంతి): స్త్రీనిధి రుణాలను పారదర్శకంగా పాస్ మిషన్స్ ద్వారా వసూలు చేయాలని కలెక్టర్ ఆశిష్ సంగ్వాన్ అన్నారు. శుక్రవారం కలెక్టరేట్‌లోని తన చాంబర్‌లో పాస్ మిషన్లను సమాఖ్య ప్రతినిధులకు అందజేశారు. ఈ సందర్భంగా కలెక్టర్ మాట్లాడుతూ... రాష్ట్రంలోనే మొదటిసారిగా సమాఖ్య ప్రతినిధులకు మిషన్స్ అందజేస్తున్నట్లు తెలిపారు. స్త్రీ నిధికి సంబంధించిన రుణాలను బ్యాంకులకు వెల్లనవసరం లేకుండా పాస్ యంత్రాల ద్వారా చెల్లించవచ్చన్నారు. కార్యాక్రమంలో మెప్మా పీడీ శ్రీధర్‌రెడ్డి, స్త్రీ నిధి రీజనల్ మేనేజర్ కిరణ్‌కుమార్, సమాఖ్య ప్రతినిధులు పాల్గొన్నారు.