హైదరాబాద్: మూసీ పరివాహక ప్రాంతాల్లో బీజేపీ ముఖ్యనేతలు బస చేయనున్నారు. సాయంత్రం 4 గంటల నుంచి రేపు ఉదయం 9 గంటల వరకు అక్కడ ఉండనున్నారు. రాత్రి భోజనం, నిద్ర మరుసటి రోజు టిఫిన్ అక్కడే చేయనున్నారు. 20 ప్రాంతాల్లో 20 మంది బీజేపీ ముఖ్య నేతలు బస చేయనున్నారు. ముఖ్యమంత్రి ఎ రేవంత్ రెడ్డి సవాల్‌కు స్పందించిన కేంద్ర మంత్రి, తెలంగాణ బిజెపి అధ్యక్షుడు జి కిషన్ రెడ్డి మూసీ నది పరివాహక ప్రాంతంలో రాత్రి బస చేయనున్నట్లు ప్రకటించారు. మూసీ పరివాహక ప్రాంతాల్లో ప్రజల సమస్యలను తెలుసుకుని నేతలు మనోధైర్యం ఇవ్వనున్నారు. అంబర్ పేట్ లోని తులసీరామ్ నగర్ లో కేంద్రమంత్రి కిషన్ రెడ్డి, ఓల్డ్ మలక్ పేట్ లోని శాలివాహననగర్ లో ఎంపీ కె. లక్ష్మణ్, ఎల్బీనగర్ లోని గణేష్ నగర్ లో ఎంపీ ఈటల రాజేంద్రర్, రాజేంద్రనగర్ లోని హైదర్ షాకోట్ లో ఎంపీ కొండా విశ్వేశ్వర్ రెడ్డి, అఫ్జల్ గంజ్ లోని రెసిడెన్షియల్ హౌసింగ్ బస్తీలో బీబీ పాటిల్ బస చేయనున్నారు.