ఆస్ట్రేలియాతో అత్యంత ఎదురుచూసిన బోర్డర్-గవాస్కర్ ట్రోఫీ ప్రారంభానికి కొద్ది రోజుల ముందు పెర్త్‌ టెస్టు మ్యాచ్ కు భారత స్టార్ బ్యాటర్ కేఎల్ రాహుల్ గాయం కారణంగా దూరం కానున్నట్లు అనుమానాలు వ్యక్తం అవుతున్నాయి. భారత్ వర్సెస్ భారత్-ఏతో జరిగిన ప్రాక్టీస్ మ్యాచ్‌లో యశస్వి జైస్వాల్‌తో కలిసి ఓపెనర్‌గా బరిలోకి దిగిన 32 ఏళ్ల రాహుల్ శుక్రవారం ఉదయం ఇంట్రా-స్క్వాడ్ సిమ్యులేషన్ సమయంలో బౌన్సీ డెలివరీతో అతని కుడి మోచేయికి తగిలింది. దీని ప్రభావం రాహుల్ తన ఇన్నింగ్స్‌ను ఆపివేయవలసి వచ్చింది. ఫిజియోథెరపిస్ట్‌తో కలిసి రాహుల్ మైదానాన్ని వీడారు. అతను వైద్య సిబ్బంది సంరక్షణలో మైదానాన్ని విడిచిపెట్టిన ఫోటోలు ఇప్పుడు సోషల్ మీడియాలో చక్కర్లు కొడుతున్నాయి.