ఏడుగురు భక్తులు మృతి

పాట్నా, ఆగస్టు 12: బీహార్‌లోని మక్ధూంపూర్‌లో ఉన్న బాబా సిద్ధ్‌నాథ్ ఆలయంలో సోమవారం చోటుచేసుకొన్న తొక్కిసలాటలో ఏడు మంది భక్తులు మరణించారు. 16 మంది గాయపడ్డారు. జెహానాబాద్ జిల్లాలోని ఈ ఆలయంలో కన్వర్ యాత్రలో పాల్గొన్న భక్తులు రెండు వర్గాలుగా విడిపోయి పెద్ద సంఖ్యలో తోసుకురావటంతో ఆలయ ద్వారం వద్ద తొక్కిసలాట జరిగినట్టు జిల్లా కలెక్టర్ అలంకృతా పాండే  తెలిపారు. మృతుల్లో ఎక్కువమంది కన్వరియాలే ఉన్నట్టు చెప్పారు.   మృతులకు అంత్యక్రయలు నిర్వహించేందుకు తక్షణ సాయంగా వారి కుటుంబాలకు రూ.20 వేల చొప్పున అందజేయనున్నట్టు వెల్లడించారు.