తేజస్ కంచర్ల నటిస్తున్న తాజా చిత్రం ‘ఉరుకు పటేల’. ‘గెట్ ఉరికిఫైడ్’ అనేది ఈ సినిమా ట్యాగ్ లైన్. లీడ్ ఎడ్జ్ పిక్చర్స్ బ్యానర్‌పై వివేక్‌రెడ్డి దర్శకత్వంలో కంచర్ల బాల భాను ఈ సినిమాను నిర్మించారు. సెప్టెంబర్ 7న ఈ సినిమాను విడుదల చేస్తున్నారు. సన్నీ కూరపాటి సిని మాటోగ్రఫీ అందించిన ఈ సినిమాకు ప్రవీణ్ లక్కరాజు సంగీతాన్ని సమకూర్చారు. ఇప్పటికే ఈ సినిమా నుం చి విడుదలైన టీజర్, ‘పట్నం పిల్లా..’ అనే పాట ప్రేక్షకుల నుంచి మంచి స్పందన వచ్చింది.

తాజాగా ఈ సినిమా నుంచి ‘ఓరి మాయలోడా..’ అనే లిరికల్ పాట విడుదల చేశారు. స్టార్ హీరోయిన్ శ్రీలీల చేతుల మీదుగా ఈ పాట విడుదలైంది. హీరో ప్రేమలో పడిన హీరోయిన్ తన మనసులోని ప్రేమను తెలియజేసే సందర్భంలో వచ్చే పాట ఇది. ప్రవీణ్ లక్కరాజు సంగీత సారథ్యం వహిస్తోన్న ఈ చిత్రంలో ‘ఓరి మాయలోడా..’ పాటను స్ఫూర్తి జితేందర్ పాడగా, శ్రీనివాస మౌళి రాశారు.