కొలంబో: శ్రీలంక నావికాదళం(Sri Lankan Navy) శుక్రవారం 14 మంది భారతీయ మత్స్యకారులను( Indian fishermen) అరెస్టు చేసి, ఒక మత్స్యకార పడవను స్వాధీనం చేసుకున్నట్లు తెలిపింది. గురువారం రాత్రి మన్నార్‌కు దక్షిణంగా ఉన్న సముద్ర ప్రాంతంలో నిర్వహించిన ప్రత్యేక ఆపరేషన్‌లో భారత మత్స్యకారులను నేవీ అరెస్టు చేసింది. స్వాధీనం చేసుకున్న పడవ, భారతీయ మత్స్యకారులను మన్నార్‌లోని(Mannar) తల్పాడు పీర్‌కు తీసుకువచ్చారు. తదుపరి చట్టపరమైన చర్యల కోసం మన్నార్ ఫిషరీస్ ఇన్‌స్పెక్టర్‌కు అప్పగిస్తామని నేవీ ఒక ప్రకటనలో తెలిపింది. 

విదేశీ మత్స్యకార పడవల అక్రమ చేపల వేట పద్ధతులను అరికట్టడానికి నేవీ శ్రీలంక జలాల్లో(Sri Lankan waters) క్రమం తప్పకుండా గస్తీ, కార్యకలాపాలను కొనసాగిస్తుందని, ఆ పద్ధతుల ప్రభావం స్థానిక మత్స్యకారుల జీవనోపాధిపై ఉంటుందని పరిగణనలోకి తీసుకుంటుందని ఆ ప్రకటన తెలిపింది. శ్రీలంక అధికారులు ఫిబ్రవరి 23న 32 మంది భారతీయ మత్స్యకారులను అరెస్టు చేసి, 5 మత్స్యకార పడవలను స్వాధీనం చేసుకున్నారు. శ్రీలంక జలాల్లో వేటాడినందుకు ఈ సంవత్సరం ఇప్పటివరకు 140 మందికి పైగా భారతీయ మత్స్యకారులను నేవీ అరెస్టు చేసింది. 2024లో 550 మందికి పైగా భారత జాలర్లను అరెస్టు చేసినట్లు శ్రీలంక నావికాదళం తెలిపింది. భారతదేశం, శ్రీలంక మధ్య సంబంధాలలో మత్స్యకారుల సమస్య వివాదాస్పదమైనది. శ్రీలంక నావికాదళ సిబ్బంది పాక్ జలసంధిలో భారత జాలర్లపై కాల్పులు జరిపి, శ్రీలంక ప్రాదేశిక జలాల్లోకి అక్రమంగా ప్రవేశించారనే ఆరోపణలతో అనేక సంఘటనలలో వారి పడవలను స్వాధీనం చేసుకున్నారు.