ఏంపీసి మొదటి సంవత్సరం చదువున్న విద్యార్థి కౌశిక్ రాఘవ

విద్యార్థి మృతి పై పలు అనుమానాలు వ్యక్తం చేస్తున్న విద్యార్థి తల్లి తండ్రులు

శేరిలింగంపల్లి, (విజయక్రాంతి): మియాపూర్ పోలీస్ స్టేషన్ పరిధిలోని కల్వరి టెంపుల్ వద్ద ఉన్న శ్రీచైతన్య బాయ్స్ జూనియర్ కాలేజీ లో ఏం పీసి మొదటి సంవత్సరం చదువున్న విద్యార్థి కౌశిక్ రాఘవ(17) నిన్న రాత్రి హాస్టల్ గదిలో ఊరి వేసుకొని ఆత్మహత్యకు పాల్పడ్డాడు. ఇది గమనించిన తోటి విద్యార్థులు కళాశాల యాజమాన్యంకు సమాచారం అందించారు. కాగా అప్పటికే మృతి చెందిన కౌశిక్ రాఘవ,విద్యార్థి ఆత్మహత్య విషయాన్ని మృతుని తల్లిదండ్రులకు సమాచారం అందించిన కాలేజీ యాజమాన్యం.విద్యార్థి మృతి పై పలు అనుమానాలు వ్యక్తం చేస్తున్న విద్యార్థి తల్లి తండ్రులు,విద్యార్థి ఎందుకు ప్రాణాలు తీసుకోవాల్సి వచ్చింది..? అనే వివరాలు తెలియడంలేదు.ఈ ఘటనపై తోటి విద్యార్థులు సైతం నోరు మెదపడం లేదు. సమాచారం అందుకున్న మియాపూర్ పోలీసులు ఘటన స్థలానికి చేరుకొని మృతదేహాన్ని పోస్టుమార్టం నిమిత్తం గాంధీ హాస్పిటల్ కు తరలించారు.కేసు నమోదు చేసుకొని దర్యాప్తు చేస్తున్నారు.