హైదరాబాద్, నవంబర్ 19 (విజయక్రాంతి): శబరిమలకు వెళ్లే భక్తుల సౌక ర్యార్థం రైల్వే శాఖ ప్రత్యేకంగా రైళ్లు నడుపనున్నట్లు ప్రకటించింది. వచ్చే నెల 6, 13, 20, 27వ తేదీల్లో మౌలాలీ స్టేషన్ నుంచి ఉదయం 11.30 గంటలకు (రైలు నెం. 07143) రైళ్లు శబరిమలకు బయల్దేరతాయని, అలాగే తిరుగు ప్రయాణంలో కొల్లాం నుంచి ఇదే నెల 8, 15, 22, 29వ తేదీల్లో అర్ధరాత్రి 2.30 గంటలకు (రైలు నెం.07145) బయల్దేరుతాయని పేర్కొన్నది.

ప్రత్యేక రైళ్లకు వరుసగా చర్లపల్లి, భువనగిరి, జనగాం, కాజీపేట, వరంగల్, మహబూబాబాద్, డోర్నకల్, ఖమ్మం, విజయవాడ, తెనా లి, బాపట్ల, చీరాల, ఒంగోలు, నెల్లూరు, గూడూరు, రేణిగుంట, కాట్పాడీ, ఈరోడ్, కోయంబత్తూరు, కొట్టాయం తదితర స్టేషన్లలో హాల్టింగ్ ఉంటుందని స్పష్టం చేసింది.