జిల్లా ఎస్పీ అశోక్’కుమార్ 

జగిత్యాల, ఏప్రిల్ 3 (విజయక్రాంతి): రోడ్డు ప్రమాదాల నివారణకు జిల్లా పోలీస్ శాఖ ప్రత్యేక చర్యలు తీసుకుంటుందని జిల్లా ఎస్పీ అశోక్ కుమార్ పేర్కొన్నారు. జిల్లా పోలీసు ప్రధాన కార్యాలయంలో గురువారం ఏర్పాటు చేసిన సమావేశంలో ట్రాఫిక్ నియంత్రణ భద్రతా సామాగ్రి, బ్రీత్ అనలైజర్ పరికరాలను జిల్లాలోని వివిధ పోలీస్ స్టేషనులకు అందజేశారు.

రోడ్డు ప్రమాదాలను నియంత్రించడం, ట్రాఫిక్ నియమాలను మరింత పకడ్బందీగా అమలు పరిచేందుకు రాష్ట్ర డిజిపి కార్యాలయం నుంచి వచ్చిన అధునాతన పరికరాలు  ఫ్లెక్సబుల్ ఐరన్ బారికేడ్స్, ట్రాఫిక్ కోన్స్, రిఫ్లెక్ట్ జాకెట్స్, బ్రీత్ అనలైసర్స్, ఎల్‌ఈడి బటన్స్, బొల్లారడ్స్, రేడియం టేప్ రోలర్స్, డిజిటల్ వీడియో కెమెరాస్, ఫోల్డెడ్ బారికెట్స్,  పరికరాలను జిల్లా ఎస్పీ అశోక్’కుమార్ వివిధ పోలీస్ స్టేషన్ల అదికారులకు  అందజేశారు.

ఈ సందర్బంగా జిల్లా ఎస్పీ మాట్లాడుతూ   జిల్లా లో ట్రాఫిక్ నియమాలను మరింత పకడ్బందీగా అమలు పరచడం ద్వారా రోడ్డు ప్రమాదాలను నియంత్రించేందుకు అధునాతన ట్రాఫిక్ పరికరాలను అందుబాటులోకి తేవడం జరిగిందన్నారు.

కాలానుగుణంగా పెరుగుతున్న ట్రాఫిక్ రద్దీని నియంత్రించేందుకు , ప్రజలు రోడ్డు ప్రమాదాలకు గురికాకుండా సురక్షితంగా గమ్యస్థానాలకు చేరడానికి ట్రాఫిక్ పోలీస్ సిబ్బంది మరింత ఎఫెక్టివ్’గా విధులు నిర్వహించడానికి ఈ ట్రాఫిక్ పరికరాలు  ఎంతగానో ఉపయోగపడతాయన్నారు. ప్రతి రోజూ వాహనాల తనిఖీలు నిర్వహిస్తూ ఎన్ఫోర్స్మెం ట్ చేయడం వల్ల ప్రమాదాలను నివారించవచ్చన్నారు.

అదే విదంగా  బందోబస్తు సమయంలో ఫ్లెక్సబుల్ ఐరన్ బారికేడ్స్ ఎంతో ఉపయోగపడుతాయని అన్నారు. ఈ కార్యక్రమంలో అదనపు ఎస్పి భీమ్’రావు, డిఎస్పీలు రఘుచందర్, అడ్డూరి రాములు, రంగారెడ్డి, ఇన్స్పెక్టర్లు శ్రీనివాస్, ఆరిఫ్ అలీఖాన్, శ్రీనివాస్, రిజర్వ్ ఇన్స్పెక్టర్ కిరణ్ కుమార్, పలువురు ఎస్‌ఐలు పాల్గొన్నారు.