ఇస్రో చైర్మన్ సోమనాథ్

హైదరాబాద్ సిటీబ్యూరో, సెప్టెంబర్ 24 (విజయక్రాంతి): సృజనాత్మకతకు అంతరిక్షమే హద్దు అని ఇస్రో చైర్మన్ సోమనాథ్ అన్నారు. మంగళవారం రవీంద్రభారతిలో తెలంగాణ భాషా సాంస్కృతిక శాఖ సహకారంతో  తెలుగు రీజియన్ మళయాళీ అసోసియేషన్, హైదరాబాద్ ఫోరమ్ ఫర్ పొలిటికల్ కార్టూనిస్ట్స్ అసోసియేషన్ ఆధ్వర్యంలో స్పేస్ టూన్ పేరిట నిర్వహించిన కార్టూన్ ఎగ్జిబిషన్‌లో ఆయన మాట్లాడారు.

యువత ఎంచుకున్న రంగంలో అత్యున్నత స్థాయికి ఎదగాలన్నారు. తాను యువకుడిగా ఉన్నపుడు కార్టూను గీసేవాడినని, తనకు కార్టూనిస్ట్‌లు అన్నా, కార్టూన్స్‌లో ఉండే చమత్కారమన్నా ఎంతో ఇష్టమని తెలిపారు. కార్యక్రమంలో రాష్ట్ర సాంస్కృతిక, పర్యాటక శాఖ మంత్రి జూపల్లి కృష్ణారావు, విద్యా, బీసీ సంక్షేమ శాఖ ముఖ్య కార్యదర్శి బుర్రా వెంకటేష్,  భాషా, సాంస్కృతిక శాఖ సంచాలకుడు మామిడి హరికృష్ణ తదితరులు పాల్గొన్నారు.