రాజ్‌తరుణ్ హీరోగా నటిస్తున్న చిత్రం ‘భలే ఉన్నాడే’. జే శివసాయివర్ధన్ డైరెక్షన్ చేస్తున్న ఈ చిత్రానికి ఎన్‌వీ కిరణ్ కుమార్ నిర్మాత. దర్శకుడు మారుతి సమర్పకుడిగా వ్యవహరిస్తున్న ఈ చిత్రానికి సంబంధించి టీజర్, ట్రైలర్ ఇప్పటికే విడుదలయ్యాయి. ఈ మూవీ నుంచి తాజాగా సోమవారం ‘సోఫియా’ సాంగ్‌ను హీరో విశ్వక్ సేన్ లాంచ్ చేశారు. భగ్న ప్రేమికులకు అంకితం చేస్తూ ఈ పాటను దేవ్‌తో కలిసి శేఖర్ చంద్ర రాసి స్వరపర్చారు. కరీముల్లా గాత్రం, రాజ్‌తరుణ్ డ్యాన్స్ ఆకట్టుకున్నాయి. నగేశ్ బానెల్లా డీవోపీగా పని చేస్తున్న ఈ సినిమా వినాయక చవితి సందర్భంగా సెప్టెంబర్ 7న విడుదల కానుంది.