న్యూఢిల్లీ: ఢిల్లీలోని పార్టీ కార్యాలయంలో సీపీఎం ప్రధాన కార్యదర్శి సీతారాం ఏచూరికి  కాంగ్రెస్ పార్లమెంటరీ పార్టీ అధ్యక్షురాలు సోనియా గాంధీ నివాళులర్పిం చారు. కాంగ్రెస్ నేతలు పి చిదంబరం, జైరాం రమేష్, అజయ్ మాకెన్, ఎన్సీపీ-ఎస్సీపీ అధినేత శరద్ పవార్ నివాళులర్పించారు. సీతారాం ఏచూరి సెప్టెంబర్ 12న న్యూఢిల్లీలోని ఎయిమ్స్‌లో మృతి చెందిన విషయం తెలిసిందే. సీపీఎం కేంద్ర కార్యాలయం ఏకేజీ భవన్ కు ఏచూరి పార్థివదేహం తరలించారు. అభిమానుల సందర్శనార్థం ఏకేజీ భవన్ కు ఏచూరి పార్థివదేహాన్ని ఉంచారు. మధ్యాహ్నం మూడు గంటల వరకు ఏకేజీ భవన్ లో సీతారాం ఏచూరి పార్థివదేహాన్ని ఉంచనున్నారు. సాయంత్రం 4 గంటల నుంచి సీతారం ఏచూరి అంతిమయాత్ర ప్రారంభం కానుంది. అంతిమయాత్ర అనంతరం ఏచూరి పార్థివదేహం ఎయిమ్స్ కు అప్పగించనున్నారు. పరిశోధనల నిమిత్తం ఏచూరి పార్థివదేహం ఎయిమ్స్ కు అప్పగిస్తున్నారు.