బిగ్‌బాస్ కంటెస్టెంట్ గౌతమ్ కృష్ణ హీరోగా తెరకెక్కనున్న చిత్రం ‘సోలో బాయ్’. పి.నవీన్‌కుమార్ దర్శకత్వంలో సెవెన్ హిల్స్ ప్రొడక్షన్స్‌పై సెవెన్ హిల్స్ సతీశ్ కుమార్ నిర్మించిన ఈ సినిమాకు జుడా షాండి మ్యూజిక్ అందిస్తుండగా, ఆట సందీప్ కొరియోగ్రాఫర్‌గా వ్యవహరిస్తున్నారు. కాగా ఈ సినిమాకు సంబంధించిన ఫస్ట్ సింగిల్‌గా టైటిల్ సాంగ్‌ను మేకర్స్ శనివారం విడుదల చేశారు. ఈ కార్యక్రమంలో నటి అనిత చౌదరి మాట్లాడుతూ.. ఈ సినిమాలో గౌతమ్‌కు తల్లి పాత్రలో చేస్తున్నానని చెప్పారు.

కొరియోగ్రాఫర్ సందీప్ మాట్లాడుతూ.. “సోలోబాయ్’ టైటిల్ సాంగ్ హుక్ స్టెప్ చాలెంజ్ చేసిన వాళ్లకు మొదటి బహుమతిగా రూ.30 వేలు, రెండో బహుమతిగా 20 వేలు, మూడో బహుమతిగా 10 వేలు ఇస్తాం” అని ప్రకటించారు. హీరో గౌతమ్ కృష్ణ మాట్లాడుతూ.. ‘హుక్ స్టెప్ చాలెంజ్ చేసి మమ్మల్ని, టీమ్‌ను ట్యాగ్ చేసి పోస్ట్ చేసిన వాళ్లలో నుంచి బెస్ట్ సెలెక్ట్ చేసి మీడియా ముందే బహుమతిని ఇస్తాం’ అని తెలిపారు. ఇంకా ఈ కార్యక్రమంలో హీరోయిన్ శ్వేతా అవస్థి, డైరెక్టర్ నవీన్, ప్రొడ్యూసర్ సతీశ్, మిగతా చిత్రబృందం మాట్లాడి తమ అభిప్రాయాలు వెల్లడించారు.