13వ అంతస్తు నుండి దూకి ఆత్మహత్యకు పాల్పడ్డా నవీన్ రెడ్డి

శేరిలింగంపల్లి, (విజయక్రాంతి): మాదాపూర్ పోలీస్ స్టేషన్ పరిధిలో తీవ్ర విషాదం చోటుచేసుకుంది. బిల్డింగ్ పైనుండి దూకి ఓ సాఫ్టువేర్ ఇంజినీర్ ఆత్మహత్యకు పాల్పడ్డాడు. ఈ ఘటన బుధవారం అర్ధరాత్రి సమయంలో జరిగింది. సమాచారం అందుకున్న మాదాపూర్ పోలీసులు ఘటన స్థలానికి చేరుకున్నారు. పోలీసులు తెలిపిన వివరాల ప్రకారం గుంటూరు జిల్లా అమరావతి మండల్, నెమలికలన్ కు చెందిన వంగా నవీన్ రెడ్డి(24) నగరానికి వచ్చి మాదాపూర్ మైండ్ స్పేస్ లోని ఓ సాప్ట్ వేర్ కంపెనీ లో ఉద్యోగం చేస్తున్నట్లు గుర్తించారు. ఈ క్రమంలో నిన్న అర్ధరాత్రి సమయంలో తను పని చేస్తున్న సాప్ట్ వేర్ కంపెనీ భవనం 13 వ అంతస్తు నుండి దూకి ఆత్మహత్యకు పాల్పడ్డాడు. ఆత్మహత్యకు గల కారణాలు తెలియల్సి ఉంది. పోస్టుమార్టం మృతదేహాన్ని పోస్ట్ ఉస్మానియా హాస్పిటల్ కు తరలించి, ఆత్మహత్యకు గల కారణాలపై ఆరా తీస్తూ  కేసు నమోదు చేసుకుని దర్యాప్తు చేపట్టారు.