లక్ష్మణ మూర్తి రతన, భ్రమరాంబిక తూటిక ప్రధాన పాత్రల్లో నటించిన చిత్రం ‘సీతారాం సిత్రాలు’. ఈ సినిమాను డి.నాగశశిధర్‌రెడ్డి దర్శకత్వంలో రైజింగ్ హాండ్స్ ప్రొడక్షన్స్ పతాకంపై పి.పార్థసారథి, డి.నాగేంద్రరెడ్డి, కృష్ణచంద్ర విజయబట్టు నిర్మిస్తున్నారు. ఈ నెల 30న సినిమా విడుదల కానున్న నేపథ్యంలో హైదరాబాద్‌లో శనివారం ట్రైలర్ లాంచ్ ఈవెంట్ నిర్వహించారు. యువ హీరో ఆకాశ్ జగన్నాథ్ ముఖ్య అతిథిగా హాజరై ట్రైలర్‌ను విడుదల చేశాడు.

ఈ సందర్భంగా ఆకాశ్ మాట్లాడుతూ.. ‘ప్రతి ఇండస్ట్రీ ఇప్పుడు టాలీవుడ్ వైపే చూస్తోంది. ఎందుకంటే తెలుగు ప్రేక్షకులు సినిమా నచ్చితే విజయాన్నందిస్తారు కాబట్టి’ అన్నాడు. డైరెక్టర్ శశి మాట్లాడుతూ.. “సీతారాం సిత్రాలు’ స్ట్రెస్ రిలీఫ్ సినిమా అని, కచ్చితంగా పెద్ద విజయం సాధిస్తుందన్న నమ్మకం ఉంది” అన్నారు. ఇంకా హీరోహీరోయిన్, నిర్మాతలు తదితరులు మాట్లాడి తమ అభిప్రాయాలను వెల్లడించారు.