హైదరాబాద్: బెట్టింగ్ యాప్స్ వ్యవహారం(Betting Apps case)పై సిట్ ఏర్పాటైంది. ఆన్‌లైన్ బెట్టింగ్(Online betting) కేసులపై సమగ్ర దర్యాప్తు నిర్వహించడానికి తెలంగాణ ప్రభుత్వం ఐదుగురు సభ్యుల ప్రత్యేక దర్యాప్తు బృందాన్ని (Special Investigation Team) ఏర్పాటు చేసింది. క్రైమ్ ఇన్వెస్టిగేషన్ డిపార్ట్‌మెంట్ (Criminal Investigation Department) డైరెక్టర్ శిఖా గోయెల్ నేతృత్వంలో ఐదుగురు సభ్యుల ప్యానెల్‌ను నియమిస్తూ డైరెక్టర్ జనరల్ ఆఫ్ పోలీస్ ( Director General of Police) డాక్టర్ జితేందర్ ఉత్తర్వులు జారీ చేశారు. ప్రత్యేక దర్యాప్తు బృందంలో ఐజీ రమేశ్, ఎస్సీలు సింధుశర్మ, వెంకటలక్ష్మి, అదనపు ఎస్పీ చంద్రకాంత్, డీఎస్పీ శంకర్ ఉన్నారు. ఇప్పటికే బెట్టింగ్ యాప్స్ పై రెండు కేసులు నమోదయ్యాయి. హైదరాబాద్ పంజాగుట్టతో పాటు సైబరాబాద్ మియాపూర్ లో కేసులు నమోదైన విషయం తెలిసిందే. రెండు కేసులను కూడా సిట్ కు బదిలీ చూస్తూ ఆదేశాలు ఇచ్చారు. 90 రోజుల్లో పూర్తి స్థాయి నివేదిక అందించాలని డీజీపీ సిట్ కు ఆదేశించారు. బెట్టింగ్ యాప్స్ ప్రమోట్ చేసినందుకు 25 మంది టాలీవుడ్, బాలీవుడ్ యూట్యూబర్స్, టీవీ యాంకర్లపై కేసులు నమోదు అయ్యాయి.

రమ్మీతో సహా ఆన్‌లైన్ బెట్టింగ్ యాప్‌లకు సంబంధించిన కేసులను దర్యాప్తు చేయడానికి ప్రభుత్వం సిట్ ఏర్పాటకు యోచిస్తోందని ముఖ్యమంత్రి రేవంత్ రెడ్డి(Chief Minister Revanth Reddy) తెలంగాణ అసెంబ్లీ బడ్జెట్ సమావేశాల్లో భాగంగా చెప్పారు. సోషల్ మీడియాలో, ముఖ్యంగా ఫేస్‌బుక్, ఇన్‌స్టాగ్రామ్‌లో ఆన్‌లైన్ బెట్టింగ్‌ను ప్రోత్సహించినందుకు సినిమా నటులు, సోషల్ మీడియా ప్రభావశీలులు సహా 25 మంది వ్యక్తులపై పోలీసులు క్రిమినల్ కేసు నమోదు చేసిన తర్వాత ఇది జరిగింది. బెట్టింగ్ యాప్స్ వ్యవహారం ప్రముఖ నటులు రానా దగ్గుబాటి, ప్రకాష్ రాజ్, విజయ్ దేవరకొండ(Vijay Deverakonda), ప్రణీత, లక్ష్మీ మంచు, నిధి అగర్వాల్ కూడా ఉన్నారు.

సోషల్ మీడియాలో బెట్టింగ్ యాప్స్ ను ప్రమోట్ చేసిన అనన్య నాగెళ్ల, సిరి హనుమంతు, శ్రీముఖి, వర్షిణి సౌందరరాజన్, వసంతి కృష్ణన్, శోభా నహ పఠి, శోభా నహ పఠి, పవన్ శెట్టి, పవన్ శెట్టి, పాండు, పద్మావతి, ఇమ్రాన్ ఖాన్, విష్ణు ప్రియ, హర్ష సాయి, బయ్యా సన్నీ యాదవ్, శ్యామల, టేస్టీ తేజ, రీతు చౌదరి, బండారు శేషాయని సుప్రీతపై కేసులు నమోదయ్యాయి. ఈ ప్లాట్‌ఫారమ్‌లు నేరుగా జూదం చట్టాలు, నిబంధనలను ఉల్లంఘిస్తున్నట్లు పోలీసులు కనుగొన్నారు., ప్రత్యేకించి పబ్లిక్ గ్యాంబ్లింగ్ చట్టం 1867. ఈ యాప్‌లు వ్యసనపరుడైన జూద ప్రవర్తనలను ప్రోత్సహించడం ద్వారా వ్యక్తులకుసమాజానికి హాని కలిగిస్తాయి. ఇవి తరచుగా ఆర్థిక ఇబ్బందులకు దారితీస్తాయి. కాగా ఇప్పటికే తెలంగాణ ప్రభుత్వం(Telangana Govt) సోషల్ మీడియాలో వచ్చే ప్రకటనలు నమ్మవద్దని పెద్ద ఎత్తున ప్రచారం చేస్తోంది.