హైదరాబాద్: తెలంగాణ ముఖ్యమంత్రి రేవంత్ రెడ్డి జన్మదినం సందర్భంగా రాజన్న సిరిసిల్లకు చెందిన కళాకారుడు హరిప్రసాద్ రేవంత్ పై అభిమానంతో పట్టు వస్త్రంపై రేవంత్ రెడ్డి చిత్రం వచ్చేలా నేసి అందరినీ అబ్బురపరచాడు. దాదాపు 5 రోజుల పాటు శ్రమించి  హరిప్రసాద్ దీనిని తయారు చేశారు. కాగా, ముఖ్యమంత్రి రేవంత్ రెడ్డి తన జన్మదినం సందర్భంగా నవంబర్ 8వ తేదీన పునరుజ్జీవన కార్యక్రమంలో భాగంగా మూసీ నదిలో పాదయాత్ర చేపట్టనున్నారు. నదియాత్ర ప్రారంభించే ముందు కుటుంబ సమేతంగా యాదగిరిగుట్టలోని లక్ష్మీనరసింహస్వామి ఆలయాన్ని ఆయన ముందుగా దర్శించుకుంటారు.