మందమర్రి (విజయక్రాంతి): సింగరేణి నూతన సంవత్సర (2025) క్యాలెండర్ ను ఏరియ జనరల్ మేనేజర్ జి.దేవేందర్ ఆవిష్కరించారు. జిఎం కార్యాలయంలో గురువారం నిర్వహించిన కార్యక్రమంలో క్యాలెండర్ ఆవిష్కరించారు. ఆనంతరం ఆయన మాట్లాడుతూ... నూతన సంవత్సరం క్యాలెండర్లను ఏరియలోని గనులు, విభాగాల్లో పని చేస్తున్న ఉద్యోగులకు అందజేయడం జరుగుతుందని తెలిపారు. సింగరేణి సంస్థలోని వివిధ గనులలో వినియోగిస్తున్న సాంకేతికత, అత్యాధునిక యంత్రాలు, సంస్థ ద్వారా చేపట్టిన వివిధ కార్యక్రమాలు, ఉద్యోగుల సంక్షేమం వంటి చిత్రాలతో క్యాలెండర్ ను రూపొందించడం జరిగిందన్నారు. ఈ కార్యక్రమంలో ఏరియా ఎస్ఓటు జిఎం విజయ ప్రసాద్, ఏఐటీయూసీ బ్రాంచ్ సెక్రటరీ సలేంద్ర సత్యనారాయణ, బెల్లంపల్లి బ్రాంచ్ సెక్రటరీ, దాగం మల్లేష్, రామకృష్ణాపూర్ బ్రాంచ్ సెక్రటరీ అక్బర్ అలీ, ఏరియా పర్సనల్ మేనేజర్ ఎస్ శ్యాంసుందర్, డివైపిఎం ఎండి ఆసిఫ్ లు పాల్గొన్నారు.