1. లంచం తీసుకుంటుండగా పట్టివేత
2. సూర్యాపేట జిల్లా తిరుమలగిరిలో ఘటన

సూర్యాపేట, జనవరి 28 (విజయక్రాంతి): సూర్యాపేట జిల్లా తిరుమలగిరి ఎస్సై సురేశ్, కానిస్టేబుల్ నాగరాజు మంగళవారం రూ.70 వేలు తీసుకుంటుండగా ఏసీబీ అధికారులు పట్టుకున్నారు. సిద్దిపేట జిల్లా వడ్డేపల్లికి చెందిన మాజీ సర్పంచ్ చంద్రశేఖర్ ఇటీవల అక్రమంగా రేషన్ బియ్యం తరలిస్తుండగా తిరుమలగిరి పోలీసులకు పట్టుబడ్డాడు.

తనపై కేసు కాకుండా, నోటీస్ మాత్రమే ఇచ్చేందుకు గాను రూ.1.40 లక్షలు ఇవ్వాలని ఎస్సై, కానిస్టేబుల్ డిమాండ్ చేశారు. అందులో మొదటగా రూ.30 వేలు ఫోన్ పే ద్వారా సూర్యాపేట లక్ష్మీ ఫిల్లింగ్ స్టేషన్ బ్యాంకు ఖాతాకు బదిలీ చేయించుకున్నారు. రూ.10 వేలు కానిస్టేబుల్ నాగరాజుకు ఫోన్‌పే ద్వారా చంద్రశేఖర్ బదిలీచేశాడు.

రూ.30 వేలు ఎస్సై సురేశ్ తన బ్యాంకు ఖాతాకు బదిలీ చేయించుకున్నాడు. మిలిగిన రూ.70 వేలు ఇచ్చే విషయంలో చంద్రశేఖర్ ఏసీబీ అధికారులను సంప్రదించాడు. మంగళవారం రూ.70 వేలను ఎస్సై సురేశ్, కానిస్టేబుల్ నాగరాజులకు ఇస్తుండగా ఏసీబీ అధికారులు పట్టుకున్నారు.