పాల్గొన్న ఎమ్మెల్యే... మాజీ మంత్రి... 

ఆదిలాబాద్ (విజయక్రాంతి): వైశ్య రక్షక్ ఆధ్వర్యంలో ఆదిలాబాద్ పట్టణంలోని శ్రీ రామచంద్ర గోపాల కృష్ణ మఠంలో నిర్వహిస్తున్న శ్రీదేవి భాగవతం శుక్రవారం భక్తి శ్రద్ధలతో ప్రారంభమైంది. మూడురోజుల పాటు ప్రవచకులు శ్రీ మేఘరాజ్ శర్మ భాగవత విశిష్టతను భక్తులకు వివరించనున్నారు. ఇందులో భాగంగా పట్టణ ప్రధాన వీధుల గుండా భక్తులు శోభాయాత్ర చేపట్టారు. స్థానిక శ్రీ వాసవి కన్యకా పరమేశ్వరీ దేవి ఆలయంలో ప్రత్యేక పూజలు జరిపిన అనంతరం శోభయత్రను అట్టహాసంగా ప్రారంభించారు. ఎమ్మెల్యే పాయల్ శంకర్, మాజీ మంత్రి జోగు రామన్నలతో పాటు పలువురు నేతలు, ఆర్య వైశ్య సంఘం ప్రతినిధులు పాల్గొన్నారు. శ్రీ దేవి భగవత్ గ్రంథాన్ని తలపై పెట్టుకుని భక్తులు యాత్రలో పాల్గొన్నారు. అలాగే గోపాలక్ష మఠంలో జోగు రామన్న ప్రత్యేక పూజలు నిర్వహించారు. భగవత్ నామ కీర్తనలతో కాషాయ జెండాలను చేతపట్టుకుని శోభాయాత్ర చేపట్టడంతో ఆధ్యాత్మిక వాతావరణం నెలకొంది. అనంతరం శ్రీ రామచంద్ర గోపాల కృష్ణ మటంలో ప్రత్యేక పూజలు చేశారు.