బెల్లంపల్లి,(విజయక్రాంతి): మహాశివరాత్రి పర్వదినాన్ని పురస్కరించుకొని ఫిబ్రవరి 26న బెల్లంపల్లి మండలంలోని కన్నాల శ్రీ బుగ్గ రాజరాజేశ్వర స్వామి దేవస్థానం(Bugga Rajarajeswara Temple) విశిష్టతను రాష్ట్రవ్యాప్తంగా చాటేందుకుగాను బెల్లంపల్లి తిలక్ వాకర్స్ అసోసియేషన్(Bellampalli Tilak Walkers Association) ఆధ్వర్యంలో నిర్వహించనున్న శివపార్వతుల కళ్యాణ మహోత్సవ వేడుకలను ప్రజలందరూ విజయవంతం చేయాలని తిలక్ వాకర్స్ అసోసియేషన్ ప్రధాన కార్యదర్శి కంటే వాడ నగేష్ కుమార్ కోరారు. శుక్రవారం బెల్లంపల్లి ప్రెస్ క్లబ్ లో విలేకరుల సమావేశంలో వేడుకలకు సంబంధించిన వివరాలను వెల్లడించారు. మహా శివరాత్రి నాడు ఉదయం 8 గంటల నుండి తిలక్ క్రీడా మైదానంలో ఉత్సవాలు ప్రారంభమవుతాయని తెలిపారు. ఉదయం 8 గంటలకు సామూహిక హోమం కార్యక్రమాలు ప్రారంభమవుతాయని తెలిపారు.

ఈ సామూహిక హోమం కార్యక్రమంలో పాల్గొనే భక్తులు రూ.1116 ముందుగా చెల్లించి సాంప్రదాయ దుస్తుల్లో పాల్గొనాలని సూచించారు. ఇందుకు సంబంధించిన పూజా సామాగ్రి తిలక్ వాకర్స్ అసోసియేషన్ ఆధ్వర్యంలో అందజేయనున్నట్లు వారు తెలిపారు. సాయంత్రం 4 గంటలకు బెల్లంపల్లి రైల్వే స్టేషన్ రామాలయం నుండి పార్వతి అమ్మవారిని, బెల్లంపల్లి శివాలయం నుండి శివుని విగ్రహాలను పట్టణ పురవీధుల గుండా ఊరేగింపుగా స్థానిక తిలక్ క్రీడ మైదానం వరకు తీసుకువచ్చి కళ్యాణ మహోత్సవ ఘట్టాన్ని నిర్వహించనున్నట్లు వారు తెలిపారు. ఈ ఉత్సవాలలో పలు సాంస్కృతిక కార్యక్రమాలు నిర్వహిస్తున్నట్లు చెప్పారు. శివపార్వతుల కళ్యాణ మహోత్సవ వేడుకలకు సంబంధించిన వివరాల కోసం 9550950950,8019721128 నెంబర్లలో సంప్రదించాలని కోరారు. అనంతరం శివపార్వతుల కళ్యాణ మహోత్సవ పోస్టర్లను ఆవిష్కరించారు. ఈ సమావేశంలో తిలక్ వాకర్స్ అసోసియేషన్ అధ్యక్షులు రత్నం రాజం, కార్యవర్గ సభ్యులు గెల్లి జయరాం యాదవ్, ముత్తె వెంకట రాజం లు పాల్గొన్నారు