ముగిసిన ఐదో రౌండ్

న్యూఢిల్లీ: ఐదో రౌండ్ రంజీ మ్యాచ్‌లు ముగిశాయి. ఈ రౌండ్‌లో కూడా కొన్ని మ్యాచ్‌లలో ఫలితం రాగా.. కొన్ని మ్యాచ్‌లు డ్రాగా ముగిశాయి. బెంగాల్ జట్టులో ఆడిన భారత ఏస్ బౌలర్ షమీ రెండు ఇన్నింగ్సులలో కలిపి 7 వికెట్లతో సత్తా చాటాడు. బోర్డర్-గవాస్కర్ ట్రోఫీ రెండో టెస్టు కోసం షమీని ఆస్ట్రేలియాకు పంపుతారని వార్తలు జోరుగా ప్రచారమవుతున్నాయి.

ఆంధ్రతో జరిగిన మ్యాచ్‌ను హైదరాబాద్ డ్రాగా ముగించింది. గ్రూప్-ఏలో బరోడా, గ్రూప్-బీలో విదర్భ, గ్రూప్-సీలో హర్యానా, గ్రూప్-డీలో తమిళనాడు జట్లు తొలి స్థానాల్లో కొనసాగుతున్నాయి. గ్రూప్-బీ ఉన్న హైదరాబాద్ 9 పాయింట్లతో ఆరో స్థానంలో కొనసాగుతోంది.