కోమటి చెరువులో బోటు నడిపిన హరీశ్‌రావు

ప్రచారం ముగిశాక సరదాగా ఎంపీ అభ్యర్థి

సిద్దిపేట, మే 12 (విజయక్రాంతి): పార్లమెంటు ఎన్నికల ప్రచారంతో నిన్నటి దాకా నాయకులు ఆదివారం సరదాగా గడిపారు. మెదక్ బీఆర్‌ఎస్ ఎంపీ అభ్యర్థి వెంకట్రామిరెడ్డి, మాజీ మంత్రి, సిద్దిపేట ఎమ్మెల్యే హరీశ్‌రావు, దుబ్బాక ఎమ్మెల్యే కొత్త ప్రభాకర్‌రెడ్డి ఆదివారం సిద్దిపేట జిల్లాకేంద్రంలోని కోమటి చెరువును సందర్శించారు. ప్రజల మధ్య కూర్చోని వాటర్ మ్యూజికల్ షోను వీక్షించారు. చెరువు కట్టపై మినీ ఎలక్ట్రికల్ వ్యాన్ నడిపించారు. కేబుల్ బ్రిడ్జిపై నడిచారు. చెరువులో బోట్ నడిపారు. యువతి, యువకులు నాయకులతో సెల్ఫీలు దిగడానికి పోటీ పడ్డారు.