ఆది సాయికుమార్ కథానాయకుడిగాషణ్ముగం సాప్పని రూపొందిస్తున్న డివోషనల్ థ్రిల్లర్ ‘షణ్ముఖ’. అవికాగోర్ కథానాయికగా నటిస్తున్న ఈ చిత్రాన్ని  తులసీరామ్ సాప్పని, షణ్ముగం సాప్పని, రమేష్ యాదవ్ నిర్మిస్తున్నారు. ఇటీవల జరిగిన చివరి షెడ్యూల్‌తో ఈ సినిమా చిత్రీకరణ పూర్తయింది. ఈ సందర్భంగా దర్శకుడు మట్లాడుతూ ఇప్పటి వరకు ఎవ రూ టచ్ చేయని ఓ అంశంతో అద్బుతమైన గ్రాఫిక్స్‌తో విజువల్ వండర్‌గా ఈ చిత్రాన్ని తెరకెక్కిస్తున్నాం. కేజీఎఫ్, సలార్ చిత్రాలకు తన సంగీతంతో ప్రాణం పోసిన రవి బస్రూర్ ఈ చిత్రానికి సంగీతం అందిస్తున్నారు. త్వరలో  నిర్మాణనంతర పనులు మొదలుకానున్నాయి. ఈ చిత్రం ఆది కెరీర్‌లో మైలురాయిగా నిలిచిపోతుంది” అన్నారు.