1. మెట్రోరైలు సహా గ్రీన్‌ఫీల్డ్ రహదారి ఏర్పాటు
2. అభివృద్ధి పరుగులు పెట్టించేందుకు  సర్కారు కసరత్తు
3. రవాణా సులభతరంతో రియల్ రంగానికి ఊతం
4.  భవిష్యత్తు అభివృద్ధికి చిరునామాగా ఫ్యూచర్ సిటీ

హైదరాబాద్, మార్చి 1 (విజయక్రాంతి): ప్యూచర్ సిటీ మెట్రో కారిడార్‌కు సంబంధించిన సర్వే పనులు శరవేగంగా కొనసాగు తున్నాయి. శంషాబాద్ ఎయిర్ పోర్ట్ నుంచి ఫ్యూచర్ సిటీ వరకు సాగుతున్న మెట్రో సర్వే పనులు హైదరాబాద్ అభివృద్ధికి ఊతంగా మారనున్నాయని రియల్ ఎస్టేట్ రంగ నిపుణులు పేర్కొంటున్నారు.

హైదరాబాద్, సికిం ద్రాబాద్, సైబరాబాద్ తరహాలో ఫోర్త్ సిటీ గా ఫ్యూచర్‌సిటీని అభివృద్ధి చేయాలన్న ము ఖ్యమంత్రి రేవంత్‌రెడ్డి దార్శనికత రియల్ రంగానికి దిక్సూచిగా మారనుందని భావిస్తున్నారు. ఫ్యూచర్ సిటీ కాలుష్య రహిత గ్రీన్‌సి టీగా ప్రపంచంలోనే అద్భుత నగరాల సరసన చేరాలన్న సీఎం సంకల్పం రాజధాని అభివృద్ధికి మార్గం చూపనుందని రియల్ ఎస్టేట్ నిపుణులు పేర్కొంటున్నారు.

హైదరాబాద్ ఎయిర్ పోర్ట్, మెట్రో రైల్ సంస్థ, హెచ్ ఎండీఏ, టీజీఐఐసీలతో కలిసి మెట్రో రైల్ విస్తరణ ప్రణాళిక సిద్ధం చేయడంతో మెట్రో మార్గాన రియల్ ఎస్టేట్ ఊహించని అభివృ ద్ధి చెందేందుకు అవకాశం ఏర్పడింది.

దాదా పు పదిహేను వేల ఎకరాల్లో విస్తరించనున్న ఫ్యూచర్ సిటిని కాలుష్య రహితనగ రంగా రూపొందించడంతో పాటు, దానికి అంతర్జాతీయ స్థాయి ప్రయాణ సౌకర్యాలు కల్పించ డంలో మెట్రో రైలుతో కూడిన ఈ గ్రీన్ కారిడార్ ప్రముఖ పాత్ర పోషిస్తుందని అంచనా వేస్తున్నారు. 

అత్యంత ఆకర్షణీయంగా మెట్రో..

ఎయిర్ పోర్ట్ నుంచి మీర్‌ఖాన్‌పేట్ వద్ద నిర్మాణంలో ఉన్న స్కిల్ యూనివర్సిటీ వర కు మెట్రో కారిడార్ డీపీఆర్ తయారీ కోసం సర్వే పనులు చకచకా జరుగుతున్నాయి. శంషాబాద్ ఎయిర్ పోర్ట్ నుంచి ఫ్యూచర్ సిటీకి వెళ్లే మెట్రో మార్గం దాదాపు 40 కిలోమీటర్లు ఉండనుంది. అది ఎయిర్‌పోర్ట్ టెర్మి నల్ నుంచి మొదలై కొత్తగా ఏర్పాటు కాబో యే మెట్రో రైల్ డిపో పక్క నుంచి ఎయిర్‌పోర్ట్ సరిహద్దు గోడ వెంట ఎలివేటెడ్ మార్గంగా మన్సాన్‌పల్లి రోడ్డుమీదుగా 5 కిలోమీటర్ల మెట్రో మార్గం ముందుకు సాగుతుంది.

అనంతరం పెద్ద గోల్కొండ ఓఆర్‌ఆర్ ఎగ్జిట్‌కు చేరుతుంది. బహదూర్‌గుడాలో ఉన్న దాదాపు 1000 నుంచి 1500 ఎకరాల ప్రభుత్వ భూమిని ఒక అంతర్జాతీయ స్థాయి కేంద్రంగా అభివృద్ధి చేసేం దుకు తోడ్పడేలా బహదూర్‌గుడా, పెద్ద గోల్కొండలలో రెండు మెట్రో స్టేషన్లను అత్యంత ఆకర్షణీయంగా అభివృద్ధి చేసేందుకు అధికారులు నిర్ణయించారు. 

అటు మెట్రో ఇటు గ్రీన్ ఫీల్డ్ రోడ్..

రావిర్యాల ఎగ్జిట్ నుంచి ఇప్పటికే నిర్మాణంలో ఉన్న స్కిల్ యూనివర్సిటీ వరకు దా దాపు 22 కిలోమీటర్ల మేర కొంగరకలాన్, లేమూర్, తిమ్మాపూర్, రాచలూరు, గుమ్మడవెల్లి, పంజగూడ, మీర్‌ఖాన్‌పేట్ వరకు హెచ్‌ఎండీఏ ఆధ్వర్యంలో 100 మీటర్లు (328 అడుగులు) వెడల్పున నిర్మించే గ్రీన్ ఫీల్డ్ రహదారి మధ్యలో 22 మీటర్లు (72 అడుగులు) మెట్రో రైల్‌కు కేటాయించారన్నారు. మెట్రో రైల్‌కు  కేటాయించిన రోడ్ మధ్య స్థలంలో మెట్రో రైల్ కారిడార్ ఎట్ గ్రేడ్ (భూతలంపై) మెట్రోగా అభివృద్ధి చేయనున్నారు.

ఈ విశాలమైన రహదారి మధ్యలో అదే లెవెల్‌లో  మెట్రో రైల్ ఉంటే దానికి ఇరువైపులా మూడు లేన్ల ప్రధాన రహదారి ఉంటుందని.. మెట్రోను, ప్రధాన రహదారిని విభజిస్తూ ఆకర్షణీయమైన చెట్లను, గ్రీనరీని అభివృద్ధి చేస్తామని, ప్రధా న రహదారికి ఇరువైపులా మరల రెండు సర్వీస్ రోడ్లను ఏర్పాటు చేస్తామని అధికారులు చెబుతున్నారు. ఓఆర్‌ఆర్ నిర్మిస్తున్న ప్పుడు ఓఆర్‌ఆర్‌లో అంతర్భాగంగా భవిష్యత్తులో నిర్మించబోయే మెట్రోకి తగినంత స్థలాన్ని కేటాయించాలని అప్పట్లోనే ప్రతిపాదనలు ఉన్నాయి.

అందుకు తగ్గట్టుగా ఓఆర్ ఆర్‌లో 20 మీటర్లు మెట్రోకి కేటాయించారని అధికారులు చెబుతున్నారు. ఇప్పుడు ప్యూచర్‌సిటీకి వేస్తున్న మెట్రోకు అనుసంధానంగా గ్రీన్ ఫీల్డ్ హైవే అలాంటే కోవకే చెం దుతుంది. ఇలాంటి అంతర్జాతీయ స్థాయి రవాణా సదుపాయాల వల్ల హైదరాబాద్ ఒక అంతర్జాతీయ నగరంగా అభివృద్ధి చెం ది ప్రపంచంలోని ప్రముఖ కంపెనీలను, పెట్టుబడులను ఆకర్షించేందుకు అవకాశం ఏర్పడనుంది.