న్యూఢిల్లీ: నేపాల్‌లో శుక్రవారం భారీ వర్షం కారణంగా కొండచరియలు విరిగిపడటంతో రెండు బస్సులు నదిలోకి నదిలో కొట్టుకుపోయిన ఘటనలో 60 మందికి పైగా గల్లంతయ్యారు. 65 మంది ప్రయాణికులతో వెళ్తున్న రెండు బస్సులు రాజధాని ఖాట్మండుకు 100 కిలోమీటర్ల దూరంలో చిత్వాన్ జిల్లాలోని నారాయణ్‌ఘాట్-ముగ్లింగ్ రహదారి వెంబడి సిమల్తాల్ ప్రాంతంలో త్రిశూలి నదిలో కొట్టుకుపోయాయి. తెల్లవారుజామున 3.30 గంటల ప్రాంతంలో ఈ ప్రమాదం జరిగిందని ఓ అధికారి తెలిపారు. ఖాట్మండు వెళ్తున్న ఏంజెల్ బస్సులో 24 మంది ఉండగా, నేపాల్ రాజధాని నుంచి గౌర్‌కు వెళ్తున్న గణపతి డీలక్స్‌లో మరో 41 మంది ప్రయాణికులు ప్రయాణిస్తున్నారు. గల్లంతైన భారతీయులను సంతోష్ ఠాకూర్, సురేంద్ర సా, ఆదిత్ మియాన్, సునీల్, షానవాజ్ ఆలం, అన్సారీగా గుర్తించారు. గణపతి డీలక్స్ బస్సులో ఉన్న ముగ్గురు ప్రయాణికులు వాహనం నుంచి దూకి తప్పించుకున్నట్లు సమాచారం.  ప్రస్తుతం ఈ ఘటనపై అధికారులు సహాయక చర్యలు ప్రారంభించారు.