కిట్స్ ఇంజనీరింగ్ కళాశాల చైర్మన్ డాక్టర్ నీలా సత్యనారాయణ

కోదాడ (విజయక్రాంతి): సీనియర్ విద్యార్థులు జూనియర్ విద్యార్థులకు మార్గదర్శకంగా నిలవాలని కిట్స్ మహిళా ఇంజనీరింగ్ కళాశాల చైర్మన్ డాక్టర్ నీలా సత్యనారాయణ అన్నారు.  పట్టణంలోని కిట్స్ మహిళా ఇంజనీరింగ్ కళాశాలలో డిప్లమా ప్రథమ సంవత్సరం విద్యార్థులకు స్వాగత వేడుకలు, తృతీయ సంవత్సరం విద్యార్థులకు   ఏర్పాటు చేసిన వీడ్కోలు వేడుకల్లో ఆయన ముఖ్యఅతిథిగా పాల్గొని మాట్లాడారు. కళాశాల స్థాపించిన నాటి నుండి నేటి వరకు వేలాదిమంది విద్యార్థులు ఉన్నత విద్యలు పూర్తిచేసి దేశ విదేశాల్లో ఉన్నత స్థాయి ఉద్యోగాలు ఉన్నారని జూనియర్ విద్యార్థులు వారిని ఆదర్శంగా తీసుకొని ఉన్నత లక్ష్యాలను సాధించాలన్నారు. కళాశాల డైరెక్టర్ డాక్టర్ సిహెచ్ నాగార్జున రావు, ప్రిన్సిపాల్ డాక్టర్ గాంధీ అధ్యక్షతన జరిగిన ఈ కార్యక్రమంలో హెచ్వోడీలు రమేష్, జనార్ధన్, స్రవంతి,నరేష్ రెడ్డి, తదితరులు పాల్గొన్నారు.