సీనియర్ నటుడు, రచయిత టోనీ మీర్కాందనీ సోమవారం కన్ను మూశారు. కోల్‌కతా ఆయన స్వస్థలం. కొంత కాలంగా అనారోగ్యంతో బాధపడుతున్న ఆయన హైదరాబాద్ బేగంపేటలోని తన నివాసంలో తుదిశ్వాస విడిచారు. బాలీవుడ్, హాలీవుడ్‌లో పలు సినిమాల్లో నటించి మెప్పించారు. 2003లో ‘కోయి మిల్ గయా’ అనే హిందీ చిత్రంలో నటించి గుర్తింపు తెచ్చుకున్నారు. హాలీవుడ్ చిత్రాల్లో సహాయ పాత్రల్లో కనిపించారు. టోనీ రచయితగానూ కొన్ని చిత్రాలకు పని చేశారు. 2004లో వచ్చిన హిందీ మిస్టరీ థ్రిల్లర్ ‘వాజా: ఏ రీజన్ టూ కిల్’ మూవీకి రైటర్ టోనీనే కావడం గమనార్హం.