పాపన్నపేట: క్రీడల్లో గెలుపోటములు సహజమని ఓడిన వారు కృంగిపోక గెలిచినవారు గర్వపడగా క్రీడా స్ఫూర్తితో క్రీడల్లో పాల్గొనాలని కబడ్డీ అసోసియేషన్ జిల్లా అధ్యక్షుడు మధుసూదన్ రెడ్డి సూచించారు. ఈ మేరకు మండల కేంద్రమైన పాపన్నపేటలో మంగళవారం రాష్ట్రస్థాయి కబడ్డీ క్రీడాకారుల ఎంపిక జరిగింది. ఈ కార్యక్రమానికి ఆయన ముఖ్య అతిథిగా హాజరై మాట్లాడారు. ఇందులో సీనియర్ మెన్స్, సబ్ జూనియర్ బాయ్స్ అండ్ గర్ల్స్ క్రీడాకారుల ఎంపిక కొనసాగింది. సీనియర్ మెయిన్స్ విభాగంలో ఆసిఫ్, నిఖిల్, రాకేష్, పవన్, మేఘరాజ్, సిద్ధి రాములు, వికాస్, ప్రకాష్, లోకేష్, నరేందర్ సాయి నిహాల్, చంటి, శివకుమార్, సుమిత్ర అశ్వినితో పాటు మొత్తం 36 మంది క్రీడాకారులు ఎంపికైనట్లు పిడి రమేష్ వెల్లడించారు. ఈ కార్యక్రమానికి నరేందర్ గౌడ్, సాయినాథ్ రావు దాతలుగా వ్యవహరించగా, అసోసియేషన్ సభ్యులు గోపాల్, కుమార్, రవి, శ్రీకాంత్ శివ శశి తదితరులు పాల్గొనగా ముఖ్య అతిథులుగా పాపన్నపేట ఎస్సై శ్రీనివాస్ గౌడ్, హెచ్ఎం మహేశ్వర్, మండల మాజీ విద్యాధికారి మోహన్ రాజు తదితరులు పాల్గొన్నారు.