గజ్వేల్ (విజయక్రాంతి): గజ్వేల్ పట్టణంలోని బ్రిలియంట్ గ్రామర్ హై స్కూల్ విద్యార్థులు రాష్ట్ర స్థాయి సైన్స్ ఫెయిర్ కు ఎంపికైనట్లు పాఠశాల ప్రధానోపాధ్యాయులు జైపాల్ రెడ్డి తెలిపారు. శనివారం సిద్దిపేటలో జరిగిన జిల్లా స్థాయి సైన్స్ ఫెయిర్ లో పాఠశాలకు చెందిన విద్యార్థులు మనోజ్ఞ, ప్రేరణలు మ్యాథమెటిక్స్ యాంగిల్స్, ట్రాన్స్పోర్ట్ మేనేజ్మెంట్ అంశాలపై ప్రాజెక్టులు ప్రదర్శించి చక్కని ప్రతిభ కనబరిచి రాష్ట్రస్థాయి సైన్స్ ఫెయిర్ కు ఎంపికైనట్లు ఆయన తెలిపారు. జిల్లా స్థాయిలో ఉత్తమ ప్రతిభ  కనపరిచినందుకు ఎమ్మెల్సీ కూర రగోతం రెడ్డి, డీఈవో శ్రీనివాస్ రెడ్డి చేతుల మీదుగా ప్రశంస పత్రాలను అందుకున్నట్లు తెలిపారు. ఈ సందర్భంగా విద్యార్థులు మనోజ్ఞ, ప్రేరణలను పాఠశాల యాజమాన్యం, ప్రధానోపాధ్యాయులు, ఉపాధ్యాయులు, అభినందించారు.