కుమ్రం భీం ఆసిఫాబాద్ (విజయక్రాంతి): పెంచికల్పేట్ గ్రామానికి చెందిన చిందం జనార్ధన్- శకుంతల కూలి పనులు చేస్తూ తనిందరి కొడుకులను చదివిపించారు. సాయి కృష్ణ ప్రభుత్వం నిర్వహించిన జూనియర్ లెక్చరర్ పరీక్షల్లో అత్యుత్తమ ప్రతిభ కనబరిచి ఉద్యోగాన్ని సాధించారు. అతని తమ్ముడు సందీప్ ఇండియన్ ఆర్మీలో పనిచేస్తున్నాడు. సాయి కృష్ణ పెంచికల్పేట్ ప్రభుత్వ పాఠశాలలో ఎస్ఎస్సి వరకు చదవగా నార్నూర్ మండలం ప్రభుత్వ హాస్టల్లో ఉంటూ ఇంటర్మీడియట్ పూర్తి చేశాడు. హైదరాబాదులోని ప్రభుత్వ కళాశాలలో డిగ్రీ పూర్తి చేశారు ఉస్మానియాలో పీజీ పూర్తి చేసిన ఆయన ప్రభుత్వం నిర్వహించిన పోటీ పరీక్షలకు సిద్ధం అవుతున్నాడు. ఈ క్రమంలో ఇటీవల నిర్వహించిన జేఎల్ పరీక్షలలో అత్యంత ప్రతిభ కనబరిచి జూనియర్ లెక్చరర్ గా ఎంపిక కావడంతో కుటుంబ సభ్యులతో పాటు బంధువులు, స్నేహితులు అభినందిస్తున్నారు.