హైదరాబాద్ సిటీబ్యూరో, మే 16 (విజయక్రాంతి): ఒడిశా నుంచి హైదరాబాద్‌తో సహా పలు ప్రాంతాలకు గంజాయిని తరలిస్తున్న ముఠాను ఎక్సైజ్ ఎన్‌ఫోర్స్‌మెంట్ పోలీసులు పట్టుకున్నారు. గురువారం ఎక్సైజ్ సీఐ సీహెచ్ శ్రీనివాస్, సిబ్బంది తనిఖీ చేస్తున్న క్రమంలో భువనేశ్వర్ నుంచి ముంబాయికి వెళుతున్న కోణార్క్ ఎక్స్‌ప్రెస్‌లో ఈ గంజాయి పట్టుబడింది. మహబూబాబాద్ రైల్వే స్టేషన్‌లో ఎక్సైజ్ పోలీసులు జరిపిన తనిఖీల్లో 26 కేజీల గంజాయి పట్టుబడినట్టు పోలీసులు తెలిపారు.

గంజాయి విలువ సుమారు రూ. ౧౦ లక్షలు ఉంటుందని పేర్కొన్నారు. ఈ ముఠా ఒరిస్సా నుంచి ఖమ్మం మీదుగా హైదరాబాద్‌కు గంజాయిని తరలిస్తుందని ఎక్సైజ్ అధికారులు తెలిపారు. పట్టుబడిన గంజాయిని ఎన్‌ఫోర్స్‌మెం ట్ కమిషనర్ గణేష్, ఎక్సైజ్ డిప్యూటీ కమిషనర్ జనార్దన్‌రెడ్డి పరిశీలించారు. అనంతరం కేసు నమోదు చేశారు. తనిఖీల్లో కానిస్టేబుళ్లు సుధీర్, హరీష్, వెంకటేశం పాల్గొన్నారు.