కామారెడ్డి, నవంబర్ 16(విజయక్రాంతి) : విద్యార్థులను తీసుకొస్తున్న ఓ స్కూల్ బస్సు అదుపుతప్పి రోడ్డు కిందకు దూసుకెళ్లిన ఘటన కామారెడ్డి జిల్లాలో చోటుచేసుకున్నది. వివరాలిలా.. శనివారం తాడ్వాయి మండలం చిట్యాల నుంచి విద్యార్థులను తీసుకొస్తున్న బస్సు చిట్యాల శివారులోకి రాగానే అదుపు తప్పి రోడ్డు కిందకు దూసుకెళ్లింది. అయితే విద్యార్థులకు ఎలాంటి గాయాలు కాకపోవడంతో వారి తల్లిదండ్రులు, ఉపాధ్యాయులు ఊరిపి పీల్చుకున్నారు. కాగా డ్రైవర్ అజాగ్రత్త వల్లే ప్రమాదం జరిగిందని విద్యార్థులు వారి తల్లిదండ్రులకు తెలిపారు.