6 స్థానాల్లో డిసెంబర్ 20న పోలింగ్

న్యూఢిల్లీ, నవంబర్ 26: దేశ వ్యాప్తంగా ఖాళీగా ఉన్న ఆరు రాజ్యసభ స్థానాల్లో ఉప ఎన్నికలు జరిపేందుకు కేంద్ర ఎన్నికల సంఘం బుధవారం షెడ్యూల్‌ను రిలీజ్  చేసింది. ఉప ఎన్నికల కోసం డిసెంబర్ 3న నోటిఫికేషన్ విడుదలవుతుందని పేర్కొంది. నామినేషన్ వేసేందుకు డిసెంబర్ 10ని చివరి తేదీగా ప్రకటించింది. నామినేషన్‌ను ఉపసంహరించేందు కు డిసెంబర్ 13వ వరకు అవకాశం ఇవ్వనున్నట్టు వెల్లడించింది. డిసెంబర్ 20న పోలింగ్ నిర్వహించి అదే రోజు ఫలితాలు వెల్లడించనున్నట్టు వివరించింది. ఒడిశా, పశ్చిమ బెంగాల్, హర్యానా రాష్ట్రాల్లో ఒక్కో స్థానానికీ, ఆంధ్రప్రదేశ్‌లో మూడు స్థానాలకు ఈ ఉప ఎన్నికలు జరగనున్నాయి. మోపిదేవి వెంకటరమణ, బీద మస్తాన్ రావుతోపాటు ఆర్ కృష్ణయ్యలు తమ రాజ్యసభ సభ్యత్వానికి రాజీనామా చేయడంతో అక్కడ ఉప ఎన్నికలు అనివార్యం అయ్యాయి.