హుజూర్‌నగర్/చింతలపా లెం, నవంబర్ 19: సూర్యాపేట జిల్లా చింతలపాలెం మండల కేంద్రంలోని జిల్లా పరిషత్ ఉన్నత పాఠశాలకు చెందిన విద్యార్థి శశికుమార్ ఎస్‌జీఎఫ్ జాతీయ స్థాయి క్రీడా పోటీలకు ఎంపికైయ్యాడు. మంగళవారం శశికుమార్‌ను ఎంఈవో శ్రీనివాస్ అభినందించారు. నిర్మల్ జిల్లాలోని ఎన్టీఆర్ మినీస్టేడియంలో జరిగిన రాష్ట్రస్థాయి ఎస్‌జీఎఫ్ అండర్ 17 బేస్‌బాల్ బాలుర విభాగంలో అత్యుత్తమ ప్రతిభ కనబరిచి జట్టు విజయానికి కృషి చేశాడు. డిసెంబర్ 2 నుంచి 6 వరకు ఢిల్లీలో జరిగే ఎస్‌జిఎఫ్ జాతీయ స్థాయి క్రీడా పోటీల్లో తెలంగాణ రాష్ట్ర జట్టు తరఫున ప్రాతినిధ్యం వహించబోతున్నట్లు తెలిపారు.