సంతోష్ కల్వచెర్ల, క్రిషేక పటేల్ జంటగా నటిస్తున్న సినిమా ‘ఆర్టిస్ట్’. ఈ సినిమాను ఎస్‌జేకే ఎంటర్‌టైన్‌మెంట్ బ్యానర్‌పై జేమ్స్ వాట్ కొమ్ము ఈ చిత్రాన్ని నిర్మిస్తున్నారు. రతన్ రిషి ఈ సినిమాకు దర్శకత్వం వహిస్తున్నారు. ‘ఆర్టిస్ట్’ మూవీ త్వరలో గ్రాండ్ థియేట్రికల్ రిలీజ్‌కు సిద్ధమవుతోంది. ఈ రోజు ఈ సినిమా నుంచి ‘చూస్తూ చూస్తూ..’ పాటను విడుదల చేశారు. ఈ పాటను మ్యూజిక్ డైరెక్టర్ సురేష్ బొబ్బిలి బ్యూటిఫుల్ ట్యూన్‌తో కంపోజ్ చేయగా.. రాంబాబు గోసాల క్యాచీ లిరిక్స్ అందించారు. కపిల్ కపిలన్ ఆకట్టుకునేలా పాడారు. ‘చూస్తూ చూస్త్తూ చూస్తూ నిన్నే చూస్తుండిపోయా, చూస్తు చూస్తు నేనే నీవై పోయా’ అంటూ సాగే ఈ పాట ప్రేక్షకులను ఆకట్టుకుంటోంది. హీరో హీరోయిన్స్ మధ్య సాగే అందమైన ఈ పాటను పండుగ నేపథ్యంలో రూపొందించారు. ఈ చిత్రంలో సంతోష్ కల్వచెర్ల, క్రిషేక పటేల్, సత్యం రాజేశ్, ప్రభాకర్, వినయ్ వర్మ, తనికెళ్ల భరణి, భద్రమ్, తాగుబోతు రమేష్, సుదర్శన్ తదితరులు కీలక పాత్రలు పోషించారు.