ముంబై: బాంద్రా నివాసంలో గురువారం తెల్లవారుజామున కత్తిపోట్లతో గాయపడిన బాలీవుడ్ నటుడు సైఫ్ అలీఖాన్(Bollywood actor Saif Ali Khan) ప్రస్తుతం ముంబైలోని లీలావతి ఆసుపత్రిలో చికిత్స పొందుతున్నారు. ఆయన ఆరోగ్య పరిస్థితి క్రమంగా మెరుగుపడుతోందని వైద్యులు ఇటీవల విడుదల చేసిన హెల్త్ బులెటిన్‌(Saif Ali Khan health bulletin released)లో పేర్కొన్నారు. సైఫ్ ఇప్పుడు తనంతట తానుగా నడవగలుగుతున్నాడని, బాగా కమ్యూనికేట్ చేయగలడని వారు వెల్లడించారు. మీడియాతో మాట్లాడిన లీలావతి ఆసుపత్రి వైద్యులు(Lilavati Hospital Doctors) ఆయన కోలుకోవడంపై మరిన్ని వివరాలను అందించారు. "సైఫ్ అలీఖాన్ ఆరోగ్యం మెరుగవుతోంది. అతను నడవగలడు, మాట్లాడగలడు. అతని వెనుక భాగంలో ఉన్న కత్తి చిట్కా బ్లేడ్‌ను మేము విజయవంతంగా తొలగించాము. అయితే, అతని గాయాల స్వభావం కారణంగా, ప్రమాదం ఎక్కువగా ఉంది. అందువల్ల, అతను పూర్తి విశ్రాంతి తీసుకోవాలని సూచించాము. త్వరలో ఐసీయూ(ICU) నుంచి ప్రత్యేక గదికి తరలిస్తామని, అతని పురోగతి ఆధారంగా కొద్దిరోజుల్లో డిశ్చార్జ్ అయ్యే అవకాశం ఉంది'' అని లీలావతి ఆస్పత్రి వైద్యులు వివరించారు.