ముంబై: బాలీవుడ్ స్టార్ సైఫ్ అలీ ఖాన్(Bollywood star Saif Ali Khan)పై దాడి జరిగింది. గురువారం తెల్లవారుజామున సైఫ్ అలీఖాన్ ముంబైలోని అతని ఇంటిలోకి చొరబడిన ఆగంతకుడు  కత్తితో పొడిచాడు. ఈ సంఘటన తెల్లవారుజామున 2.30 గంటలకు జరిగింది. ప్రస్తుతం సైఫ్ అలీ ఖాన్ ముంబైలోని లీలావతి ఆసుపత్రి(Lilavati Hospital)లో శస్త్రచికిత్స పొందుతున్నారు. సైఫ్ అలీఖాన్ ప్రస్తుతం ప్రాణాపాయం నుంచి బయటపడ్డారని ఆసుపత్రి సిబ్బంది వెల్లడించారు. ఈ ఉదయం, సైఫ్‌కు న్యూరో సర్జరీ జరిగిందని లీలావతి హాస్పిటల్ సిఓఓ డాక్టర్ నీరజ్ ఉత్తమని తెలిపారు. ప్లాస్టిక్ సర్జరీ(Saif Plastic surgery) ఇంకా కొనసాగుతోందని సిఓఓ తెలిపారు. బాంద్రా పోలీస్ స్టేషన్‌(Bandra Police Station)లో చొరబాటుదారుడిపై ఎఫ్‌ఐఆర్ నమోదైంది. సైఫ్ అలీఖాన్ నిద్రిస్తున్న సమయంలో ఓ ఆగంతకుడు దొంగచాటుగా ఇంట్లోకి చొరబడ్డాడు. అతను లోపలికి ప్రవేశించడానికి ప్రయత్నించిన తర్వాత నటుడు, చొరబాటుదారుడి మధ్య గొడవ జరిగిందని పోలీసులు ధృవీకరించారు.

ఆ తర్వాత సైఫ్‌ అలీఖాన్‌పై ఆరుసార్లు కత్తితో దాడి చేసి ఆ ఆగంతకుడు అక్కడి నుంచి పారిపోయాడు. ఆరు కత్తిపోట్లలో రెండు లోతుగా, వెన్నెముకకు సమీపంలో ఉన్నాయని లీలావతి ఆసుపత్రి ప్రకటన తెలిపింది. సైఫ్ అలీఖాన్((Saif Ali Khan)) ఇంట్లో పనిచేస్తున్న ముగ్గురు అటెండర్లను పోలీసులు విచారిస్తున్నారు. ముంబై క్రైమ్ బ్రాంచ్‌కు సమాంతర దర్యాప్తు బాధ్యతను అప్పగించారు. నిందితుడి కోసం క్రైమ్ బ్రాంచ్ 7 బృందాలను ఏర్పాటు చేసింది. క్లూల కోసం ఓ బృందం సీసీటీవీ ఫుటేజీని పరిశీలిస్తోంది. ముంబైలోని వివిధ ప్రాంతాలకు మూడు బృందాలు బయలుదేరాయి. నిందితుడి కోసం ముంబై నుంచి ఓ బృందం వెతుకుతుంది. సైఫ్ అలీఖాన్ బృందం అధికారిక ప్రకటన విడుదల చేసింది.

అందులో"మిస్టర్ సైఫ్ అలీఖాన్ నివాసంలో చోరీకి ప్రయత్నించారు. అతను ప్రస్తుతం ఆసుపత్రిలో శస్త్రచికిత్స చేయించుకుంటున్నాడు. మీడియా, అభిమానులను ఓపికపట్టమని మేము అభ్యర్థిస్తున్నాము. ఇది పోలీసుల విషయం. మిగిలిన కుటుంబ సభ్యులు బాగానే ఉన్నారు. మేము మీకు పరిస్థితిని తెలియజేస్తాము." అంటూ కరీనా కపూర్(Kareena Kapoor Khan) బృందం కూడా ఇదే ప్రకటనను పంచుకుంది. సైఫ్ అలీఖాన్‌ను బాంద్రా ఇంటి వద్ద గుర్తు తెలియని వ్యక్తి కత్తితో పొడిచిన అనంతరం తెల్లవారుజామున 3.30 గంటలకు ఆసుపత్రికి తీసుకొచ్చారని లీలావతి హాస్పిటల్ సిఓఓ డాక్టర్ నీరాజ్ ఉత్తమని తెలిపారు. న్యూరోసర్జన్(neurosurgeon ) డాక్టర్ నితిన్ డాంగే, కాస్మెటిక్ సర్జన్ డాక్టర్ లీనా జైన్, అనస్థీషియాలజిస్ట్ డాక్టర్ నిషా గాంధీ నేతృత్వంలోని వైద్యుల బృందం సైఫ్ అలీఖాన్‌కు ఆపరేషన్ చేసింది. సైఫ్ అలీ ఖాన్, కరీనా కపూర్ ఖాన్, వారి కుమారులు న్యూ ఇయర్ సెలవుల కోసం స్విట్జర్లాండ్‌ వెళ్లి గత వారం ముంబైకి తిరిగి వచ్చారు. సైఫ్ జాన్వీ కపూర్, జూనియర్‌ ఎన్టీఆర్ లతో కలిసి “దేవర: పార్ట్ 1”లో చివరిసారిగా తెరపై కనిపించిన విషయం తెలిసిందే.