చార్మినార్, అక్టోబర్ 23: పలు కేసుల్లో నిందితుడిగా ఉండి తప్పించుకొని తిరుగుతున్న ఓ రౌడీషీటర్ను పోలీసులు అరెస్ట్ చేశారు. వివరాలిలా ఉన్నాయి.. హైదరాబాద్కు చెందిన మహ్మద్ అష్పాక్ కాలాపత్తర్ పోలీస్ స్టేషన్ పరిధిలో రౌడీషీటర్గా నమోదై ఉన్నాడు. ఇతనిపై ఇప్పటికే 44 క్రిమినల్ కేసులు ఉండగా, వాటిలో 2 హత్య, 6 హత్యాయత్నం కేసులతో పాటు అత్యాచారం కేసులు కూడా ఉన్నాయి.
గత 25 ఏళ్లుగా అనేక నేరాలు పాల్పడుతూ తప్పించుకు తిరుగుతున్నాడు. విశ్వసనీయ సమాచారం మేరకు సౌత్జోన్ టాస్క్ఫోర్స్ పోలీసులు, కాలాపత్తర్ పోలీసులు సంయుక్తంగా అష్పాక్ ఆశ్రమం పొందిన ఇంటిపై బుధవారం దాడి చేసి అదుపులోకి తీసుకున్నారు. అనంతరం కోర్టులో హాజరుపర్చి రిమాండ్ కు తరలించారు.