హర్ష నర్రా, సందీప్ సరోజ్, తరుణ్, సుప్రజ్ రంగా, సోనూ ఠాకూర్, నువ్వేక్ష, మేఘలేఖ, ఖుష్బూ చౌదరి హీరోహీరోయిన్లుగా నటిస్తున్న చిత్రం ‘రోటి కపడా రొమాన్స్’. ఈ చిత్రానికి విక్రమ్‌రెడ్డి దర్శకుడు. బెక్కెం వేణుగోపాల్, సృజన్‌కుమార్ బొజ్జం నిర్మించిన ఈ సినిమా నవంబర్ 22న ప్రేక్షకుల ముందుకు రానుంది. ఈ నేపథ్యంలో చిత్రబృందం మంగళవారం పాత్రికేయుల సమావేశమైంది.

ఈ సందర్భంగా దర్శకుడు విక్రమ్‌రెడ్డి మాట్లాడుతూ ‘ఈ చిత్రంలో ప్రతి సన్నివేశంలో ఓ ఎమోషన్ ఉంటుంది. ముఖ్యంగా పతాక సన్నివేశాలు, చివరి 20 నిమిషాలు అందరి హృదయాలను హత్తుకుంటుంది’ అన్నారు. ‘నేటి యువతకు నచ్చే అంశాలతోపాటు కుటుంబ భావోద్వేగాల మేళవింపుతో యూత్‌ఫుల్ రొమాంటిక్ ఫ్యామిలీ ఎంటర్‌టైనర్‌గా ఈ చిత్రం తెరకెక్కింది.

రొమాన్స్, ఎంటర్‌టైన్‌మెంట్, ఎమోషన్స్ ఈ చిత్రానికి ప్రధాన బలాలు’ అని నిర్మాత బెక్కెం వేణుగోపాల్ తెలిపారు. ఈ సమావేశంలో హీరోలు హర్ష నర్రా, సందీప్ సరోజ్, తరుణ్, సుప్రజ్ రంగా, హీరోయిన్లు సోను ఠాకూర్, మేఘలేఖ, కెమెరామెన్ సంతోష్ రెడ్డి, సంగీత దర్శకుడు ఆర్ ఆర్ ధ్రువన్, మరో నిర్మాత సజన్ బొజ్జం తదితరులు పాల్గొన్నారు.