అహ్మదాబాద్ వేదికగా బుధవారం జరిగిన మూడు వన్డేల సిరీస్‌లో భాగంగా ఇంగ్లాండ్‌తో జరిగిన చివరి మ్యాచ్‌లో భారత క్రికెట్ జట్టు 142 పరుగుల తేడాతో ఘన విజయం సాధించింది. ఈ విజయంతో, భారత్ ఇంగ్లాండ్‌పై 3-0తో క్లీన్ స్వీప్‌ను పూర్తి చేసింది. ఈ విజయం భారత కెప్టెన్ రోహిత్ శర్మ(Indian captain Rohit Sharma)కు ఒక చారిత్రాత్మక మైలురాయిగా నిలిచింది. వన్డే సిరీస్‌లో నాలుగు క్లీన్ స్వీప్‌లు సాధించిన తొలి భారత కెప్టెన్‌గా రోహిత్ శర్మ చరిత్ర(Rohit Sharma Creates History) సృష్టించాడు.

వెస్టిండీస్ (2022), శ్రీలంక (2023), న్యూజిలాండ్ (2023), ఇప్పుడు ఇంగ్లాండ్ (2025)పై అతను ఈ ఘనత సాధించాడు. దీనితో వన్డేల్లో నాలుగు వేర్వేరు ప్రత్యర్థులను వైట్‌వాష్ చేసిన తొలి భారత కెప్టెన్‌గా కూడా అతను నిలిచాడు. జాబితాలో అతని తర్వాత విరాట్ కోహ్లీ, మహేంద్ర సింగ్ ధోని(mahendra singh dhoni) ఉన్నారు. గత 14 సంవత్సరాలలో వన్డేల్లో అత్యధిక 12 క్లీన్ స్వీప్‌ల రికార్డును టీమిండియా సొంతం చేసుకుంది. న్యూజిలాండ్ 10 క్లీన్ స్వీప్‌లతో రెండవ స్థానంలో ఉంది. ఇంగ్లాండ్‌పై భారత్ సాధించిన ఆధిపత్య విజయం 2025 ఐసీసీ ఛాంపియన్స్ ట్రోఫీ(2025 ICC Champions Trophy)కి ముందు ఆటగాళ్లకు మంచి బూస్ట్ ఇస్తోంది. ఈ టోర్నమెంట్ ఫిబ్రవరి 19న ప్రారంభమవుతుంది. భారత్ ఫిబ్రవరి 20న దుబాయ్‌లో బంగ్లాదేశ్‌తో తన తొలి మ్యాచ్ ఆడుతుంది. ఎంతో ఆసక్తిగా ఎదురుచూస్తున్న మ్యాచ్ ఫిబ్రవరి 23న పాకిస్తాన్‌తో జరగనుంది.