న్యూఢిల్లీ: స్వదేశీ రెడ్ బాల్ క్రికెట్ టోర్నీ దులీప్ ట్రోఫీలో ఆడే ఆటగాళ్ల వివరాలు వెలువడ్డాయి. స్టార్ క్రికెటర్లు రోహిత్ శర్మ, విరాట్ కోహ్లీ, జస్ప్రీత్ బుమ్రా, అశ్విన్ ఈ ట్రోఫీకి దూరంగా ఉండనున్నారు. గిల్, పంత్, రాహుల్, జడేజా వంటి అంతర్జాతీయ ఆటగాళ్లు ఈ ట్రోఫీలో ఆడుతున్నారు.  ఇక టీమ్-ఏ కెప్టెన్‌గా శుబ్‌మన్ గిల్, టీమ్ అభిమన్యు ఈశ్వరన్, టీమ్ రుతురాజ్ గైక్వాడ్, టీమ్-డి కెప్టెన్‌గా శ్రేయాస్ అయ్యర్ వ్యవహరించనున్నారు. బెంగళూరు వేదికగా సెప్టెంబర్ 5 నుంచి దులీప్ ట్రోఫీ ఆరంభం కానుంది. కారు ప్రమాదం నుంచి కోలుకున్న తర్వాత రిషబ్ పంత్ ఆడుతున్న మొట్టమొదటి రెడ్ బాల్ టోర్నీ ఇదే కావడం గమనార్హం. మరోవైపు దేశవాళీ క్రికెట్ ఆడకుండా బోర్డు ఆగ్రహానికి గురై, కాంట్రాక్టుకు చేజార్చుకున్న యువ వికెట్ కీపర్ ఇషాన్ కూడా ఈ ట్రోఫీ ఆడుతున్నాడు.