విశ్వక్‌సేన్ ‘మెకానిక్ రాకీ’ చిత్రంతో ప్రేక్షకులను అలరించడానికి సిద్ధమవుతున్నారు. ఈ మాస్ యాక్షన్, కామెడీ ఎంటర్‌టైనర్ చిత్రానికి రవితేజ ముళ్లపూడి రచన, దర్శకత్వం వహించగా, రామ్ తాళ్లూరి నిర్మిస్తున్నారు. సినిమా నుంచి తాజాగా మేకర్స్ సెకండ్ సింగిల్ అప్డేట్ ఇచ్చారు. ‘ఓ పిల్లో..’ అనే గీతాన్ని సెప్టెంబర్ 18న విడుదల చేయనున్నట్టు మూవీ టీమ్ వెల్లడించింది. 

సాంగ్ రిలీజ్ అనౌన్స్‌మెంట్ పోస్టర్‌లో విశ్వక్‌సేన్, మీనాక్షి చౌదరి లవ్లీ కెమిస్ట్రీ ఆకట్టుకుంటోంది. మరో హీరోయిన్ శ్రద్ధా శ్రీనాథ్ కూడా నటిస్తున్న ఈ సినిమా దీపావళి కానుకగా అక్టోబర్ 31న విడుదల కానుంది. ఈ చిత్రానికి సంగీతం: జెక్స్ బిజోయ్; సినిమాటోగ్రఫీ: మనోజ్ కటసాని.