నితిన్ హీరోగా నటిస్తున్న చిత్రం ‘రాబిన్‌హుడ్’. వెంకీ కుడుముల దర్శకత్వంలో నవీన్ యెర్నేని, వై రవిశంకర్ భారీ బడ్జెట్‌తో నిర్మిస్తున్న ఈ చిత్రంలో శ్రీలీల హీరోయిన్. సినిమా డిసెంబర్ 25న విడుదల కానున్న నేపథ్యంలో చిత్రబృందం బుధవారం తొలిసారి మీడియా ముందుకొచ్చింది. నితిన్ మాట్లాడు తూ.. “నా కెరీర్‌లోనే ఇది భారీ బడ్జెట్ సినిమా.

డిసెంబర్ 25 నాడు ‘రాబిన్‌హుడ్’ నిర్మాతల డబ్బును రెంట్టింపుతో సహా మీనుంచి దోచుకొని వారికిస్తాడు” అన్నారు. శ్రీలీల మాట్లాడుతూ.. “నన్ను డాన్సింగ్ క్వీన్ అంటున్నారు. నా దృష్టిలో డ్యాన్సింగ్ కింగ్ ఎవరు అని అడిగితే అల్లు అర్జున్ అని చెప్తాను. ‘రాబిన్‌హుడ్’ నాకు చాలా ప్రత్యేకం. ఎందుకంటే ఈ సినిమాలో నటనకే ఎక్కువ పేరొస్తుంది” అన్నారు. డైరెక్టర్ వెంకీ కుడుముల మాట్లాడుతూ.. “నా కెరీర్‌లో ఈ సినిమా ద బెస్ట్. ఇలాంటి కథలు చాలా వచ్చాయి.

కానీ ఈ సినిమా మొదలైన 20 నిమిషాల్లోనే కథలో మలుపు ఉంటుంది” అన్నారు. నిర్మాతలు రవిశంకర్, నవీన్, పాటల రచయిత కేకే పాల్గొన్నారు.