టీం ఇండియా క్రికెటర్ సిరాజ్ 

కార్వాన్, జనవరి 21: వాహనదారులు తప్పకుండా రోడ్డు భద్రతా నిబంధనలు పాటించాలని భారత క్రికెటర్ ఎండీ సిరాజ్ సూచించారు. మంగళవారం ఆయన నానల్‌నగర్‌లోని పశ్చిమ మండలం ఆర్టీఏ కార్యాలయంలో రోడ్డు భద్రతా జాతీయ వారోత్సవాల్లో అధికారులతో కలిసి పాల్గొన్నారు.

ఈ సందర్భంగా లెర్నింగ్ లైసెన్సు, వాహన రిజిస్ట్రేషన్ల కోసం వచ్చిన వాహనదారులకు అధికారులతో కలిసి సిరాజ్ అవగాహన కల్పించారు. విధిగా హెల్మెట్లు ధరించాలని, డ్రంకెన్ డ్రైవ్ ప్రమాదకరమని అన్నారు. కార్ డ్రైవింగ్ చేసేటప్పుడు సీటు బెల్టు ధరించాలన్నారు.

ప్రతి ఒక్కరూ ట్రాఫిక్ నిబంధనలు పాటించాలని కోరారు. ఈ కార్యక్రమంలో ఇన్‌చార్జి ఆర్టీఓ రవికుమార్, ఎంవీఐ సింగం శ్రీనివాస్, అధికారులు వెంకట సురేష్, అఖిల, కోటిరెడ్డి , పోలీసులు సిబ్బంది తదితరులు పాల్గొన్నారు.