అతివేగంతో వాహనం నడపడం వల్ల అదుపు తప్పి పల్టీలు కొట్టి క్వాలిస్.. వాహనం పూర్తిగా ధ్వంసం 

అమీన్ పూర్ (విజయక్రాంతి): అమీన్ పూర్ పోలీస్ స్టేషన్ పరిధిలోని సుల్తాన్పూర్ సమీపంలో రింగ్ రోడ్డుపై అతివేగంగా నడపడం వల్ల పల్టీకొట్టిన క్వాలిస్ వాహనం. శంకర్పల్లి మండలం దోబీ పెట్ గ్రామానికి చెందిన యువకులుగా గుర్తించారు. మొయినాబాద్ మండల్ రెడ్డిపల్లిలో జరిగిన ఓ శుభకార్యానికి హాజరై అక్కడ నుండి అర్ధరాత్రి యాదగిరిగుట్ట వెళుతుండగా సుల్తాన్పూర్ సమీపంలో రింగ్ రోడ్డు వద్ద అతివేగంగా నడపడం వల్ల  అదుపు తప్పి బోల్తా కొట్టడం జరిగింది. క్వాలిస్ వాహనంలో ప్రయాణిస్తున్న 6 మంది యువకులు చరణ్, వివేక్, మహేందర్, చింటూ, బబ్లు,  సతీష్ లకు గాయాలు కాగా అందులో ఇద్దరి పరిస్థితి విషమంగా ఉంది. మరో ముగ్గురికి స్వల్పగాయలు తగిలాయి. పోలీసులు ఘటన స్థలానికి చేరుకొని క్షతగాత్రులను పటాన్ చేరు లోని ద్రువ ఆసుపత్రిలో చికిత్స నిమిత్తం తరలించారు.